అదరగొడుతున్న మారుతి సుజుకి

Published: Friday, November 6, 2009, 13:56 [IST]

భారతీయ ఆటోమొబైల్ సంస్థ మారుతి సుజుకి గత నెలలో విడుదల చేసిన ఆదాయ నివేదికలో 32.45% పెరుగుదలను నమోదుచేసుకున్నట్టు వెళ్లడించింది. క్రితం ఏడాది అక్టోబరు నెలలో 64,490 యూనిట్ల అమ్మకాన్ని నమోదుచెయ్యగా, ఈ ఏడు అది 32.45 % పెరిగి 85,415 గా నమోదయింది. ప్రాంతీయ మార్కెట్ లో అమ్మకాలు 21.01 వృద్ధిని సాధించి 13,864 యూనిట్ల అమ్మకాన్ని నమోదుచేసుకొంది. కాగా గత ఏడాది ఇది 59,127 యూనిట్లుగా నమోదయింది.

ఎ-1 విభాగానికి చెందిన మారుతి-800 కార్ల అమ్మకం 5.53% పెరిగి 3,124 యూనిట్లు అమ్ముడయ్యాయి. ఎ-2 విభాగానికి చెందిన కార్లు ఆల్టో, వ్యాగన్ R, ఎస్టిలో, స్విఫ్ట్ లాంటి కార్లు 18.43% శాతం పెరిగి 51,437 యూనిట్లు అమ్ముడయ్యాయి. కాగా ఎ-3 విభాగానికి చెందిన కార్లు మారుతి SX4, DZire లు రికార్డు స్థాయిలో 62.68% పెరుగుదలను నమోదుచేసుకొని, 5,412 యూనిట్ల అమ్మకాన్ని నమోదుచేసుకున్నాయి.

Article Published On: Friday, November 6, 2009, 13:56 [IST]

More from DriveSpark