Click it and Unblock the Notifications
ఢిల్లీలో సందడి చెయ్యనున్న ప్రపంచ ప్రఖ్యాతి చెందిన కార్లు..!!
ఈ ఏడాది జరిగిన ఢిల్లీ ఆటో షోలో టాటా మోటార్స్ వారి చౌక కారు నానో ప్రధాన ఆకర్షణ కాగా, వచ్చే ఏడాదిలో జరిగే ఈ ఆటో షోలో టయోటా మోటార్స్ చౌక కారు, జనరల్ మోటార్స్ వారి బీట్ కాంపాక్ట్, వోక్స్ వ్యాగన్ పొలో కార్లు ప్రధాన ఆకర్షణ కానున్నాయి. ఆర్థిక మాంద్యం సమయంలో నష్టాల బాటను పట్టని ఏకైక అమెరికాకు చెందిన ఆటోమొబైల్ కంపెనీ ఫోర్డ్ కూడా ఈ ఆటో షోలో ఫిగో కాంపాక్ట్ కారుని విడుదల చేసి తన ఉనికిని చాటుకోవాలని చూస్తోంది.
మరో లీడింగ్ ఆటోమొబైల్ కంపెనీ మారుతీ సుజుకీ కూడా మారుతీ కాన్సెప్ట్ చిన్న కారుని ఈ ఆటో షోలో రివీల్ చెయ్యాలని భావిస్తోంది. ఈ కారు 2012లో మార్కెట్ లోకి విడుదల కానుంది. ఈ కాన్సెప్ట్ కారుతో పాటు మరో డజన్ మోడళ్లను ఈ ఆటో షోలో ప్రదర్శనకు ఉంచాలని మారుతీ సుజుకీ భావిస్తున్నట్టు సీనియర్ ఎగ్జిక్యూటివ్ అధికారి ఐవి రావ్ తెలియజేసారు. వీటితో పాటు మరిన్ని ఆటోమొబైల్ కంపెనీల కార్లు ఈ ఆటో షోలో ప్రదర్శనకు రానున్నాయి.
Continue with Google