నానో కు చెక్ పెట్టనున్న నిస్సాన్??

Published: Tuesday, November 10, 2009, 18:02 [IST]

టాటా మోటార్స్ లక్షరూపాయలకే కారు అని ప్రకటన విడుదల చేసినప్పటి నుండీ ప్రతీ వార్త ఓ సంచలనమే. ఈ కారు విడుదలకు ముందు వరకూ ఈ ప్రకటన కార్యరూపం దాల్చడం కష్టమని పెదవి విరిచిన వారందరూ ముక్కున వేలేసుకొనే విధంహగా ఈ కారు ఆకట్టుకునే మోడల్ తో విడుదలయింది. దీంతో ఈ కారు బుకింగులు ఊపందుకున్నాయి. ఈ కారుకు వస్తోన్న ఆదరణను చూసి చాలా ఆటోమొబైల్ కంపెనీలు చిన్న కార్లను రూపొందించాలని ప్రణాళికలు రూపొందించినా, అవి నానోకు పోటీ కాబోవని లక్ష రూపాయలకే కారును రూపొందించేందుకు మాకు సాధ్యం కాదని కంపెనీ వర్గాలు ముందే ప్రకటించేస్తున్నాయి. దీంతో నానో చిన్న కార్ల మార్కెట్ లో తిరుగులేని రారాజుగా ఎదిగిపోతోంది.

కానీ తాజాగా నిస్సాన్ కంపెనీ నానో హవాకు చెక్ పెట్టేందుకు సిద్ధం అవుతోంది. ఈ విషయాన్ని స్వయానా నిస్సాన్ సంస్థ సిఈవో కార్లొస్ తెలిపారు. ఈ కారును వారు భారతీయ ఆటోమొబాల్ కంపెనీ బజాజ్ ఆటో వారి సహకారంతో రూపొందించనున్నట్టు తెలిపారు. ఇంత వరకూ టూ-వీలర్, త్రీ-వీలర్ వాహనాలను మాత్రమే రూపొందించిన బజాజ్ ఆటో వారికిది మొదటి మోటార్ కారు. ఈ కారు వివరాలు తెలియజేసిన కంపెనీ వర్గాలు ఈ కారు $3000 మించి ఖరీదు చెయ్యదని, అత్యాధునిక పరిజ్ఞానంతో ఈ కారు రూపొందనుందని తెలిపారు. $2,500 విలువచేసే నానో కారుకు ఈ నిస్సాన్ వారి కారు విడుదలయితే కష్టమేనంటున్నారు పరిశీలకులు...

Article Published On: Tuesday, November 10, 2009, 18:02 [IST]

More from DriveSpark