ఐస్ లాండ్ లో అడుగిడుతోన్న 'రేవా'

Published: Friday, November 20, 2009, 10:08 [IST]

ఫ్రాంక్ ఫర్ట్ లో జరిగిన మోటార్ షోలో ఎలక్ట్రిక్ కార్ల కంపెనీ ''రేవా'' అక్కడి సందర్శకులని విశేషంగా ఆకట్టుకున్న సంగతి తెలిసిందే. ఇప్పుడు అదే కంపెనీకి కలసివచ్చింది. 2012వ సంవత్సరానికి గాను ఐస్ లాండ్ లో ఎలక్ట్రిక్ కార్ల ప్రాజెక్టును రూపొందించే 'నార్తన్ లైట్స్ ఎనర్జీ'(NLE) రేవా ఎలక్ట్రిక్ కార్లను ఐస్ లాండ్ లో పంపిణీ చెయ్యడానికి ముందుకు వచ్చింది. ఈ విషయమై ఇరు కంపెనీల మధ్య ఒప్పందం కూడా కుదిరింది.

ఈ ఒప్పందం ప్రకారం రేవా కంపెనీకి చెందిన అన్ని కార్లను ఐస్ లాండ్ లో NLE కంపెనీ పంపిణీ చెయ్యనుంది. 2011లో లాంచ్ కానున్న రేవా-NXG కారుని కూడా NLE సంస్థే ఐస్ లాండ్ లో పంపిణీ చెయ్యనుంది. ఈ ఒప్పందం మాత్రమే కాకుండా NLE, రేవా కంపెనీలు భాగస్వాములుగా ఐస్ లాండ్ లో కార్ల ఉత్పత్తి కేంద్రాన్ని కూడా ఏర్పాటుచెయ్యాలని సన్నాహాలు చేస్తున్నారు. అలా అయితేనే యూరోపియన్ దేశాల్లో పెరుగుతున్న డిమాండ్ కు తగ్గట్టుగా కార్లను ఉత్పత్తి చెయ్యవచ్చని కంపెనీ భావిస్తోంది.

Article Published On: Friday, November 20, 2009, 10:08 [IST]

More from DriveSpark