రాష్ట్ర మార్కెట్ లోకి సెడాన్ ఇండిగో మాంజా

Published: Wednesday, October 28, 2009, 10:52 [IST]

భారతదేశ ఆటోమొబైల్ రంగాన్ని శాసిస్తున్న టాటా మోటార్స్ సంస్థ కొత్తగా మరో కారును మన రాష్ట్ర మార్కెట్ లోకి ప్రవేశపెట్టింది. తన నూతనతరం సెడాన్ కారు ఇండిగో మాంజాను రాష్ట్ర వినియోగదారులకి అందుబాటులోకి తెచ్చింది. బహుళ జనాదరణ పొందిన టాటా ఇండిగో బ్రాండ్ కు ఇది అధునాతన రూపం. నూతన హంగులు, ఆకర్షణలతో స్టైలిష్ గా రూపొందిన ఈ కారులో అంతర్గత అలంకరణ అదనపు ఆకర్షణ.

ఈ కొత్త బ్రాండ్ కారు పొడవు 4.4 మీటర్లు, 1.7 మీటర్ల వెడల్పుతో 2,520 ఎం ఎం వీల్ బేస్ తో ఈ కారు రూపొందించినట్టు కంపెనీ వర్గాలు చెప్పారు. అంతే కాకుండా యు.ఎస్.బి పోర్ట్, బ్లూ టూత్ కనెక్టివిటీతో కూడిన మ్యూజిక్ సిస్టమ్ ఈ కారుకు ప్రధాన ఆకర్షణ. పెట్రోల్, డీజిల్ రెండు వేరియంట్లలో ఈ కారు లభ్యమవుతోంది. 6.58 లక్షల ఎక్స్ షోరూం ధరలో ఏడు రంగుల్లో లభ్యమయ్యే ఇండిగో మాంజా రెండు సంవత్సరాలు లేదా 75 వేల కిలోమీటర్లకు వారంటీ కూడా వుంది. ఇందుకు ఆలస్యం వెంటనే మీకు నచ్చిన రంగు గల కారును వెంటనే బుక్ చేసుకోండి.