65.5% వృద్దిని సాధించిన టాటా మోటార్స్..!!

Published: Thursday, December 3, 2009, 11:04 [IST]

భారతీయ ఆటోమొబైల్ ధిగ్గజం, టాటా మోటార్స్ గత నవంబరు నెలకు గాను అమ్మకాల్లో 65.5% వృద్ధిని సాధించినట్టు ప్రకటించింది. గత సంవత్సరం నవంబరు నెలకు గాను 32,696 యూనిట్లను అమ్మగలిగిన టాటా మోటార్స్ ఈ సంవత్సరం నవంబరు నెలలో 54,108 యూనిట్లను అమ్మడం ద్వారా 65.49 శాతం వృద్ధి రేటును సాధించింది. ఇందులో స్థానిక అమ్మకాల్లో 44.52% వృద్ధిని సాధించిన టాటా మోటార్స్, ఎగుమతుల్లో 86.64% వృద్ధిని సాధించినట్టు ఓ ప్రకటనను విడుదల చేసింది.

గత సంవత్సరం స్థానిక అమ్మకాలు 14,327 యూనిట్లు గా వుండగా ఈ సంవత్సరం అవి 20,706 యూనిట్ల కు పెరిగాయి. కాగా గత సంవత్సర ఎగుమతులు 2,140 గా వుండగా, ఈ ఏడాది అవి 3,994 యూనిట్లకు పెరిగాయి. ఇక టాటా చిన్న కారు అయిన నానో కార్ల విభాగంలో గత నవంబరు నెలలో 3,406 కార్లు వినియోగదారులకు చేరాయి. టాటా ఇండిగో కార్లు గత సంవత్సరంతో పోల్చితే రికార్డు స్థాయిలో 71.5% వృద్దిని సాధించి 5,963 యూనిట్లు అమ్ముడయ్యాయి. టాటా SUV విభాగంలో 23% వృద్ది రేటును సాధించాయి.

Article Published On: Thursday, December 3, 2009, 11:03 [IST]

More from DriveSpark