ఢిల్లీ ఆటో షోలో సందడి చేసిన హోండా 'చిన్న కారు'..!

Published: Tuesday, January 5, 2010, 15:33 [IST]

నేడు దేశ రాజధాని న్యూఢిల్లీ లోని ప్రగతి మైదాన్ లో ఘనంగా ప్రారంభమయిన ఢిల్లీ ఆటో షోలో జపాన్ కు చెందిన ఆటోమొబైల్ కంపెనీ హోండా మోటార్స్ సందడి చేసింది. భారత్, చైనా వంటి అభివృద్ధి చెందుతున్న దేశాలను దృష్టిలో వుంచుకుని రూపొందిన ఈ చిన్న కారు 2011లో భారత్ మరియు థాయ్ ల్యాండ్ మార్కెట్ లలోకి విడుదల కానుందని కంపెనీ వర్గాలు ప్రకటించాయి.

LED లైట్లతో రూపొందిన ఈ కారు సరికొత్త డిజైన్ తో రూపొందింది. హోండా జాగ్ ను పోలిన గ్రిల్ తో రూపొంది చూడటానికి ఆకర్షణీయంగా వున్న ఈ కారు ఆటో షోలో పలువురిని ఆకర్షించింది. కాగా ఈ కారు 1.0 లీటర్ VTEC ఇంజన్ తో లేదా 1.2 లీటర్ JAZZ ఇంజన్ తో రూపొందినట్టు విశ్వసనీయ సమాచారం. కాగా ఈ కారు హుందాయ్ i10 కప్పా, మారుతీ స్విఫ్ట్ మరియు i20 బేస్ మోడల్ కు పోటీగా రూపొందినట్టు సమాచారం. ఈ కారుతో పాటు హోండా CR-Z కాన్సెప్ట్ కారు కూడా ఈ ప్రదర్శనలో చోటుచేసుకుంది.

Article Published On: Tuesday, January 5, 2010, 15:33 [IST]

More from DriveSpark