75 రోజుల్లో 50 వేల అమ్మకాలతో రికార్డు సృష్టించిన బజాజ్ పల్సర్..!!

Published: Tuesday, February 23, 2010, 12:04 [IST]

భారతీయ టూ-వీలర్ మార్కెట్ లో తిరుగులేని మహారాజుగా ఎదిగిన బజాజ్ సంస్థ తాజాగా పల్సర్ బైకు అమ్మకాలలో రికార్డులు సృష్టించింది. పల్సర్ బైకుల వెర్షన్ లో ఇటీవలే విడుదలయిన పల్సర్ 135LS స్పోర్ట్ బైకు కేవలం 75 రోజుల్లో 50,000 బైకులు అమ్ముడుపోయి రికార్డులు సృష్టించాయి.

దేశీయ మార్కెట్ లో తొలిసారిగా రెండు చక్రాలకూ 4-వ్యాల్యూ డిటియస్-ఐ ఏర్పాటు చేసిన ఈ బైకు ఓ సాధారణ స్పోర్ట్ బైకు పలికే ధర(ఎక్స్ షోరూం ధర రూ.51,000)లోనే లభ్యమవుతుండటంతో యువత నుండీ తిరుగులేని ఆధరణ లభిస్తోంది. దీనికి తోడు 4-వ్యాల్యూ డిటియస్-ఐ ఇంజిన్ తో రూపొందిన ఈ బైకు 13.5 ps పవర్ ను అందిస్తుండటం మరో ఆకర్షణ.

135 సిసి ఇంజిన్ తో రూపొందిన ఈ బైకు 122 కేజీల బరువు మాత్రమే వుండి మంచి మైలేజీని ఇస్తుండటంతో ఈ ఘనతను సాధించిందని సంస్థ వర్గాలు ప్రకటించాయి.