అంతర్జాతీయ విపణిలోకి మారుతీ సుజుకీ 'రిట్జ్'..!!

Published: Thursday, January 28, 2010, 11:25 [IST]

భారతీయ ఆటోమొబైల్ దిగ్గజం మారుతీ సుజుకి ఇండియాలో బహుళ జనాదరణ పొందిన 'రిట్జ్' కారును అంతర్జాతీయ విపణిలోకి ప్రవేశపెట్టనుంది. ఇందుకోసం ఇప్పటికే సన్నాహాలను పూర్తి చేసింది. ఇందులో భాగంగా మొదటగా ఇండోనేషియాకు ఈ కారును ఎగుమతి చేసారు. గత బుధవారం(27/01/10) నాడు 500 యూనిట్ల రిట్జ్ కార్లు ఇండోనేషియాలో ప్రదర్శనకు ఉంచారు.

స్పోర్టివ్ లుక్ తో, 1.2 లీటర్, 1.3 లీటర్ పెట్రోల్ ఇంజన్ తో ఈ కారు భారత్ లో లభ్యమవుతోంది. కాగా ఇండోనేషియా మార్కెట్ లో 1.2 లీటర్ పెట్రోల్ ఇంజన్ తో రూపొందిన రిట్జ్ కార్లను అందుబాటులోకి తీసుకువచ్చింది మారుతీ సుజుకి సంస్థ. ఇక్కడి ఆదరణను దృష్టిలో వుంచుకొని మిగిలిన విదేశీ మార్కెట్లలో ఈ కారును ప్రవేశపెట్టాలని మారుతీ సంస్థ యోచిస్తోందని సమాచారం.

Article Published On: Thursday, January 28, 2010, 11:25 [IST]

More from DriveSpark