నిస్సాన్ సరికొత్త స్పోర్ట్స్ కారు 370Z...!!

Published: Friday, January 22, 2010, 12:24 [IST]

జపాన్ కు చెందిన ప్రముఖ ఆటోమొబైల్ సంస్థ నిస్సాన్ మోటార్స్ సరికొత్త సోర్ట్ యుటిలిటీ కారును భారతీయ విపణిలోకి ప్రవేశపెట్టింది. 2012వ సంవత్సరం లోపు మొత్తం తొమ్మిది మోడళ్లను భారతీయ మార్కెట్లోకి ప్రవేశపెట్టాలనుకున్న నిస్సాన్ మోటార్స్, ఇందులో భాగంగా ఈ స్పోర్ట్ కారును ప్రవేశపెట్టింది. భారతీయ ఫార్ములా వన్ రేసర్ కార్తికేయన్ ఈ కారును ఇటీవలే ముంబైలో విడుదల చేసారు.

ఈ సందర్భంగా నిస్సాన్ మ్యానేజింగ్ డైరెక్టర్ మాట్లాడుతూ "ఈ 370Z సోర్ట్స్ కారు తప్పకుండా జనాదరణ పొందుతుందని, నిస్సాన్ సంస్థ విలువను పెంచేదిగా ఈ కారు వుంటుందని" ఆశాభావాన్ని వ్యక్తం చేసారు. ఇక ఈ కారు రెండు సీట్ల సామర్థ్యంతో తయారయింది. మొత్తంగా ఎనిమిది ఆకర్షనీయమైన రంగుల్లో ఈ కారు లభ్యమవుతుంది. సిక్స్ స్పీడ్ M/T విత్ సింక్రో రివ్ మ్యాచ్, సెవెన్ స్పీడ్ A/T విత్ మ్యానువల్ స్విఫ్ట్ లాంటి రెండు మోడళ్లలో లభ్యమవుతుంది. ఢిల్లీలో ఈ కార్ల ఎక్స్ షోరూం ధరలు వరుసగా 53.50 లక్షలు, 54.50 లక్షలుగా నిర్ణయించారు.

Article Published On: Friday, January 22, 2010, 12:24 [IST]

More from DriveSpark