సెకెండ్ హ్యాండ్ మార్కెట్ లో 'నానో'..!!

Published: Wednesday, January 27, 2010, 12:16 [IST]

టాటా మోటార్స్ లక్ష కారు నానో మీద మోజుతీరిపోయిందా..?? అవుననే అనిపిస్తోంది. అహ్మదాబాద్ నగరంలోని సెకెండ్ హ్యాండ్ కార్ల మార్కెట్ లో నానో కారు కనిపించి ఆశ్చర్యపరచింది. మొత్తంగా ఈ నగరంలో ఐదు నానో కార్లు డెలివరీ అయ్యాయి. అందులో 1.81 లక్షలు విలువచేసే నానో LX కారు సెకెండ్ హ్యాండ్ మార్కెట్లో 2.05 లక్షలకు అందుబాటులో వుంది. నానో కారు విడుదలయిన తొలి పదిహేను రోజుల్లో కేవలం గుజరాత్ రాష్ట్రంలో 15,000 నుండీ 20,000 కార్లకు ఆర్డర్లు వచ్చాయి. ఇప్పుడవి సగానికిపైగా పడిపోయాయి.

గత రెండు మాసాల వ్యవధిలో మొత్తంగా 15 నానో కార్లు సెకెండ్ హ్యాండ్ మార్కెట్ లో దర్శనమిచ్చాయంటే నానో పరిస్థతి ఏంటో అర్థం చేసుకోవచ్చు. దీనిపై మార్కెటింగ్ నిపుణులు మాట్లాడుతూ నానో కారును బుక్ చేసిన వారిలో సగానిపైగా ఈ కారును ఉపయోగించాలనే ఉద్యేశ్యంలో ఆర్డర్ చెయ్యలేదు, నానో కారుంటే తమ ప్రతిష్ట పెరుగుతుందనే ఆలోచనే వారిచేత ఈ కారును ఆర్డర్ చేసేలా చేసిందని అభిప్రాయపడ్డారు.

మరికొంత మంది ఈ కారు ఎలా వుందో అనే ఆశక్తితో ఆర్డర్ ఇచ్చినట్టు, కానీ ఈ కారు వారు వాడుతున్న ఖరీదైన కార్లంత సౌకర్యవంతంగా లేకపోవడంతో సెకెండ్ హ్యాండ్ మార్కెట్ కు తరలిస్తున్నారని మరో అభిప్రాయం కూడా వినిపిస్తోంది. ఏది ఎలా వున్నా పరిస్థితి ఇలాగే వుంటే టాటా మోటార్స్ కు 'నానో' పెద్ద దెబ్బే అని బిజినెస్ నిపుణులు అభిప్రాయపడుతున్నారు.

Article Published On: Wednesday, January 27, 2010, 12:16 [IST]

More from DriveSpark