77 శాతం పెరిగిన టాటా అమ్మకాలు..!!

Published: Tuesday, February 2, 2010, 14:39 [IST]

భారతీయ ఆటోమొబైల్ సంస్థ టాటా మోటార్స్ కు ఇప్పుడంతా మంచి కాలమే నడుస్తోంది. ఇటీవలే విడుదల చేసిన మూడవ త్రైమార్షిక నివేదికలో 700 కోట్ల రూపాయల లాభాలను ఆర్జించిన విషయం తెలిసిందే. ఈ శుభవార్త వెలివడిన రెండు రోజుల్లోనే గత జనవరి నెలలో సంస్థ అమ్మకాలు 77% పెరిగాయనే వార్త కంపెనీ వర్గాల్లో ఆనందాన్ని నింపింది.

గత ఏడాది జనవరి నెలలో 36,931 వాహనాల అమ్మకాలు చోటుచేసుకోగా, ఈ ఏడాది అవి 77 శాతం పెరిగి 65,478గా నమోదయ్యాయని సోమవారం నాడు సంస్థ వర్గాలు ప్రకటించాయి. కాగా ఎగుమతులను పరిగణలోకి తీసుకోకుండా స్థానిక అమ్మకాల విషయానికి వస్తే గత ఏడాదితో పోల్చితే 74% పెరిగి 62,202గా నమోదయ్యాయి. ఇక మొత్తం అమ్మకాల విషయానికి వస్తే అవి 24% పెరిగి 498,108 గా నమోదయ్యాయి. గత ఏడాది ఈ సంఖ్య 400,284గా నమోదయింది.

Article Published On: Tuesday, February 2, 2010, 14:39 [IST]

More from DriveSpark