ఢిల్లీ ఆటో షోలో వింటేజ్ కార్ల ప్రదర్శన..!!

Published: Tuesday, January 5, 2010, 10:32 [IST]

ఎన్నో రోజులుగా ఎదురుచూస్తున్న ఢిల్లీ ఆటో షో నేడు(జనవరి 5) ఘనంగా ప్రారంభం కానుంది. ఢిల్లీ లోని ప్రగతి మైదాన్ లో జరగనున్న ఈ ప్రదర్శనలో ఆధునిక కార్లతో పాటు పాతకాలం నాటి వింటేజ్ కార్లు కూడా ప్రదర్శించనున్నారని హెరిటేజ్ మోటార్ క్లబ్ ఆఫ్ ఇండియా ప్రకటించింది. 75 కు పైగా వింటేజ్ మోడల్ కార్లను ఈ ప్రదర్శనకు తీసుకురానున్నట్టు హెరిటేజ్ మోటార్ క్లబ్ ఆఫ్ ఇండియా ప్రెసిడెంట్ కెటియస్ తుల్సి తెలిపారు.

గతం లో 2002, 2004, 2006, మరియు 2008 సంవత్సరాలలో జరిగిన ఆటో షోలలో కూడా హెరిటేజ్ మోటార్ క్లబ్ ఆఫ్ ఇండియా వారు హెరిటేజ్ కార్లను ప్రదర్శనకు తీసుకువచ్చారు. ఈ ఏడాది ఆటో షోలో బ్యూక్ సీరీస్ 90L, జాగూర్ XK120, మెర్సిడిస్ 180 పాంటూన్ మరియు ముస్ట్యాంగ్ 1966 వంటి కంపెనీల వింటేజ్ వాహనాలను ప్రదర్శించనున్నట్టు తుల్సి తెలియజేసారు.

ఆటోషో మెయిన్ ఎంట్రీ దగ్గర్లోని గేట్-2 దగ్గర ఈ వింటేజ్ కార్లను ప్రదర్శించనున్నారు. భారత్ ఆథిత్యమిస్తున్న ఈ 10వ ఆటో షోలో పాతకొత్తల కలయికలోని వాహనాలు కనువిందుచెయ్యనున్నాయి.

Article Published On: Tuesday, January 5, 2010, 10:31 [IST]

More from DriveSpark