నవంబర్ నెలలో 53 శాతం పెరిగిన అశోక్ లేలాండ్ సేల్స్

Published: Monday, December 5, 2011, 11:47 [IST]

భారతదేశపు ప్రముఖ వాణిజ్య వాహనాల తయారీ సంస్థ హిందూజా గ్రూప్‌ ఫ్లాగ్‌షిప్ కంపెనీ అశోక్ లేలాండ్ నవంబర్ నెల అమ్మకాలలో ప్రోత్సాహకర వృద్ధిని సాధించింది. గడచిన నెలలో అశోక్ లేలాండ్ మొత్తం అమ్మకాలు 53 శాతం పెరిగి 7,878 యూనిట్లుగా నమోదయ్యాయని కంపెనీ ఓ ప్రకటనలో పేర్కొంది. అశోక్ లేలాండ్ నవంబర్ నెల అమ్మకాలలో కంపెనీ ఇటీవల విడుదల చేసిన తేలికపాటి వాణిజ్య వాహణం దోస్త్ అమ్మకాలు అధికంగా ఉన్నాయి.

గడచిన సంవత్సరం ఇదే సమయంలో కంపెనీ మొత్తం అమ్మకాలు 5,137 యూనిట్లుగా ఉన్నాయి. నవంబర్ 2011లో దేశీయ మార్కెట్లో అశోక్ లేలాండ్ అమ్మకాలు 66.72 శాతం వృద్ధిని సాధించి 6,477 యూనిట్లను విక్రయించగా, నవంబర్ 2010లో 3,885 యూనిట్లు విక్రయించింది. అలాగే, ఎగుమతులు కూడా 11.90 శాతం వృద్ధిని నమోదు చేసుకొని 1,252 యూనిట్లకు పెరిగాయి. ఈ అమ్మకాలలో కంపెనీ తాజాగా ప్రవేశపెట్టిన దోస్త్ అమ్మకాలు 814 యూనిట్లుగా ఉన్నాయి.

Article Published On: Monday, December 5, 2011, 11:47 [IST]

More from DriveSpark