స్కొడా లారా డీజిల్‌ వేరియంట్‌పై రూ.70,000 డిస్కౌంట్!

Published: Friday, December 23, 2011, 18:46 [IST]

చెక్ రిపబ్లిక్‌కు చెందిన ప్రముఖ కార్ల తయారీ సంస్థ స్కొడా ఇండియా ఇందిస్తున్న ప్రీమియం సెడాన్ "లారా"పై భారీ నగదు డిస్కౌంట్‌ను ఆఫర్ చేస్తుంది. ఇయరెండ్, స్టాక్ క్లియరెన్స్, క్రిస్టమస్, న్యూఇయర్ సేల్‌లో భాగంగా స్కొడా లారాలో లభిస్తున్న వివిధ డీజిల్ వేరియంట్లపై రూ.50,000 నుండి 70,000 విలువైన డిస్కౌంట్లను కంపెనీ ఆఫర్ చేస్తుంది.

ప్రస్తుతం దాదాపు అన్ని కార్ కంపెనీలు పెట్రోల్ వేరియంట్లపై డిస్కౌంట్లను అందిస్తుండగా, స్కొడా మాత్రం డీజిల్ వేరియంట్‌పై డిస్కౌంట్‌ను అందించడం విశేషం. స్కొడా డీలర్లు అందిస్తున్న ఈ ఆఫర్ల ప్రకారం, లారా ఆంబిషన్ డీజిల్ వేరియంట్ రూ.50,000 డిస్కౌంట్‌ను లారా ఎలిగాన్స్ వేరియంట్‌పై రూ.70,000 డిస్కౌంట్‌ను ఆఫర్ చేస్తున్నారు.

ఈ డిస్కౌంట్స్ అనంతరం స్కొడా లారా ఆంబిషన్ వేరియంట్ ధర రూ.14.23 లక్షల నుండి రూ.13.73 లక్షలకు తగ్గగా, స్కొడా లారా ఎలిగాన్స్ వేరియంట్ ధర రూ.15.75 లక్షల నుండి రూ.15.05 లక్షలకు తగ్గింది.ఈ డిస్కౌంట్‌ల కారణంగా ధర విషయంలో గమనిస్తే ఇదే సెగ్మెంట్లో లభిస్తున్న ఫోక్స్‌వ్యాగన్ జెట్టా, టొయోటా కరోలా ఆల్టిస్, రీనాల్ట్ ఫ్లూయెన్స్ సెడాన్‌ల కాన్న ఈ డీల్ ఎంతో మెరుగైనది. (అన్ని ధరలు ఎక్స్-షోరూమ్, ఢిల్లీ). ఈ ఆఫర్ కేవలం డిసెంబర్ 25 వరకూ మాత్రమే చెల్లుబాటులో ఉంటుంది.

Article Published On: Friday, December 23, 2011, 18:46 [IST]

English summary

At a time when carmakers are offering discounts only on petrol cars Skoda has surprised everybody by offering huge discount on the Laura's diesel variant. The Skoda Laura's diesel variant which costs Rs14.23 lakhs now gets a discount of Rs.70,000 taking its price down to Rs13.73 lakhs.

More from DriveSpark