ఢిల్లీ ఆటో ఎక్స్‌పోలో దర్శనమివ్వనున్న హ్యుందాయ్ కార్లు

Published: Friday, December 30, 2011, 11:45 [IST]

భారతదేశపు ద్వితీయ అగ్రగామి కార్ల తయారీ సంస్థ హ్యుందాయ్ మోటార్ ఇండియా భారతీయులకు మరో అద్భుతాన్ని పరిచయం చేయనుంది. మరికొద్ది రోజుల్లో ప్రారంభం కానున్న 11వ అంతర్జాతీయ ఢిల్లీ ఆటో ఎక్స్‌పోలో హ్యుందాయ్ అభివృద్ధి చేసిన బహుళ ప్రయోజన వాహన (ఎమ్‌పివి) "హెచ్ఎన్‌డి-7"ను ప్రదర్శించనుందని హ్యుందాయ్ మోటార్ ఇండియా డైరెక్టర్ (మార్కెటింగ్ అండ్ సేల్స్) అరవింద్ సక్సేనా తెలిపారు.

అంతేకాకుండా, త్రీ-డోర్ యుటిలిటీ కూపే వెలాస్టర్, ప్రీమియం సెడాన్ ఎలాంట్రా కార్లను కూడా ప్రదర్శించనున్నామని ఆయన చెప్పారు. 2008లో జరిగిన ఢిల్లీ ఆటో ఎక్స్‌పో కంపెనీ తమ వెలాస్టర్ కారును కాన్సెప్ట్ మోడల్‌గా ప్రదర్శనకు ఉంచింది. ప్రస్తుతం దీనిని ప్రీమియం క్రాసోవర్ యుటిలిటీ వెహికల్‌గా ప్రదర్శిస్తామని సక్సేనా వెల్లడించారు.

ప్రస్తుతం భారత మార్కెట్లో కంపెనీ అందిస్తున్న ఇయాన్ మోడల్ ప్రీమియం ఎస్‌యూవీ శాంటా ఫే వరకూ అన్ని మోడళ్లను జనవరి 7 నుండి ప్రారంభం కానున్న ఢిల్లీ ఆటో ఎక్స్‌ 2012లో ప్రదర్శించనుంది.

Article Published On: Friday, December 30, 2011, 11:45 [IST]

English summary

India's second largest carmaker Hyundai Motor India said it will showcase its multi- purpose vehicle HND-7 at the forth coming 11the International Delhi Auto Expo. "We are showcasing some very exciting cars from our international range at the Auto Expo," said Arvind Saxena, director for marketing and sales, Hyundai Motor India.

More from DriveSpark