క్లియరెన్స్ సేల్ ధమాకా..: ఫియస్టాపై రూ.75,000 తగ్గింపు

ప్రస్తుతం వినియోగదారులు కొత్త ఫియస్టా పెట్రోల్ వేరియంట్ కొనుగోలుపై రూ.75,000 విలువైన తగ్గింపును పొందవచ్చు. డిస్కౌంట్‌కు ముందు ఫోర్డ్ ఫియస్టా పెట్రోల్ వేరియంట్ ప్రారంభ ధర రూ.8.23 లక్షలుగా ఉంది. కాగా.. డిస్కౌంట్ అనంతరం ఫోర్డ్ ఫియస్టా పెట్రోల్ వేరియంట్ ప్రారంభ ధర రూ.7.48 లక్షలుగా ఉంది.

అంటే ధర విషయంలో కొత్త ఫోర్డ్ ఫియస్టా సెడాన్ కూడా హోండా సిటీ సెడాన్ సరసన చేరిపోయిందన్నమాట. కొత్త ఫియస్టా సెడాన్‌ గడచిన జులై నెలలో దేశీయ విపణిలోకి ప్రవేశించింది. ఇందులో ఉపయోగించిన 1.5 లీటర్ టిఐవిసిటి పెట్రోల్ ఇంజన్ 106.5 బిహెచ్‌పిల గరిష్ట శక్తిని విడుదల చేస్తూ ఏఆర్ఏఐ సర్టిఫై చేసిన దాని ప్రకారం లీటరు పెట్రోల్‌కు 17 కి.మీ. మైలేజీనిస్తుంది.

గ్లోబల్ ఫోర్డ్ ఫియస్టా సెడాన్ డీజిల్ వేరియంట్లో కూడా లభ్యమవుతుంది. డీజిల్ వేరియంట్ ఫియస్టా ధరలు రూ. 9.27 లక్షల నుంచి రూ. 10.42 లక్షల (ఎక్స్-షోరూమ్ ఢిల్లీ) మధ్య ఉన్నాయి. కొత్త ఫియస్టా ఏబిఎస్, ఈబిడి, ఎయిర్ బ్యాగ్స్ వంటి సేఫ్టీ ఫీచర్లతో పాటు స్టీరింగ్ వీల్ ఆడియో కంట్రోల్ సిస్టమ్ అన్ని వేరియంట్లలో ఓ పరిమితిగా వస్తుంది. ఈ ఆఫర్ పరిమిత కాలం మాత్రమే.