మహీంద్రా నావిస్టార్‌కు ట్రాన్స్‌పోర్ట్ ఎక్సలెన్స్ అవార్డులు

ట్రాన్స్‌పోర్ట్ ఎకోసిస్టమ్స్‌లో మహీంద్రా నావిస్టార్ కనబరిచిన అత్యుత్తమ ప్రదర్శన, అభ్యున్నతి, ఆవిష్కరణలు మరియు నాయకత్వ మార్పులను గుర్తిస్తూ ఈ అవార్డును ప్రధానం చేయడం జరిగింది. ఈ అవార్డును కేంద్ర భారీ పరిశ్రమల శాఖా, ప్రజా వ్యవహారాల మంత్రి ప్రఫుల్‌ పటేల్‌ చేతుల మీదుగా మహీంద్రా అండ్ మహీంద్రా డైరెక్టర్‌ డా. పవన్‌ గోయంకా అందుకున్నారు.

ఈ కార్యక్రమంలో భారీ పరిశ్రమలు, ప్రజా వ్యవహారాల శాఖా కార్యదర్శి ఎస్. సుందరేశన్, మహీంద్రా నావిస్టార్ ఆటోమోటివ్ లిమిటెడ్ చైర్మన్ మరియు మహీంద్రా అండ్ మహీంద్రా వైస్-చైర్మన్, మేనేజింగ్ డైరెక్టర్ ఆనంద్ మహీంద్రా, మహీంద్రా నావిస్టార్ ఆటోమోటివ్ లిమిటెడ్ డైరెక్టర్ డా. పవన్ గోయెంకా, మహీంద్రా నావిస్టార్ ఆటోమోటివ్ లిమిటెడ్ మేనేజింగ్ డైరెక్టర్ నలీన్ మెహతా, జీన్యూస్ సీఈఓ బరున్ దాస్ తదితర ప్రముఖులు పాల్గొన్నారు.