ఇంధనాన్ని ఆదా చేసే టైరు రబ్బరును విడుదల చేసిన 'లాంక్సెస్'

ఇంధన ధరలు నానాటికీ పెరిగిపోతుండటంతో భూమిలోని శిలాజ ఇంధనాలు త్వరలోనే అంతరించిపోయే అవకాశం ఉంది. భావితరాలు, భవిష్యత్తు అవసరాల కోసం ఇంధనాన్ని పొదుపుగా వాడుకోవాల్సిన అవసరం ఎంతైనా ఉంది. ఇలా పరిమితంగా ఉన్న సహజవనరులను సంరక్షించుకోవాలంటే ఇంధనాన్ని ఆదా చేసుకోక తప్పదు. ఈ పరిస్థితులను దృష్టిలో ఉంచుకొని ప్రత్యేకమైన రసాయనాలను తయారు చేసే కంపెనీ లాంక్సెస్‌ 30 శాతం వరకూ ఇంధనాన్ని ఆదా చేసే రబ్బరును రూపొందించింది. టైర్ల తయారీలో ఈ సింథటిక్‌ రబ్బరును ఉపయోగిస్తే ఇంధనం ఆదా అవుతుందని కంపెనీ చెబుతోంది. బుటైల్ రబ్బర్‌ (ఐఐఆర్‌), మోడిఫైడ్‌ సొల్యూషన్‌ స్టిర్నెబుటాడైనె రబ్బర్‌ (ఎస్‌ఎస్‌బీఆర్‌), అడ్వాన్స్‌డ్‌ నియోడైమియమ్‌-పొలిబుటాడీనే రబ్బర్‌ (ఎన్‌డీ-బీఆర్‌) వంటి కొత్త గ్రేడ్ రబ్బర్‌లను ఈ కంపెనీ మార్కెట్లోకి ప్రవేశపెట్టింది.