పూర్తిస్థాయి ఉత్పత్తి కోసం టొయటా బాటలోనే హోండా, నిస్సాన్

Published: Tuesday, May 17, 2011, 17:25 [IST]

జపాన్ దేశంలో సంభవించిన భూకపం, సునామీల కారణంగా.. ఆటోమొబైల్ పరిశ్రమలో ఏర్పడిని విడిభాగాల కొరత సమస్యను కంపెనీలు అధిగమిస్తుండటం, రానున్న అతికొద్ది రోజుల్లోనే ఈ పరిస్థితులు సాధారణ స్థితికి చేరుకునే పరిణామాలు కనబడతున్న నేపథ్యంలో పలు ఆటో కంపెనీలు పూర్తిస్థాయి ఉత్పత్తి చేపట్టే ప్రక్రియను మరింత వేగవంతం చేస్తున్నాయి. భారత్‌లో కార్యకలాపాలు కొనసాగిస్తున్న జపాన్ ఆటో దిగ్గజం టొయోటా అనుబంధ సంస్థ టొయోటా కిర్లోస్కర్ మోటార్ (టికెఎమ్) ఇప్పటికే మే 20 నుంచి భారత్‌లో సాధారణ ఉత్పత్తిని కొనసాగించనున్నట్లు పేర్కొన్న సంగతి తెలిసిందే.

ఇదే తరుణంలో జపాన్ సునామీ తాకిడి భారీగా నష్టపోయిన నిస్సాన్, హోండా కంపెనీలు కూడా ఉత్పత్తి ప్రక్రియను వేగవంతం చేసే ప్రయత్నాలను ముమ్మరం చేశాయి. జపాన్ నెంబర్ 2 కార్ మేకర్ అయిన నిస్సాన్‌ మోటార్ కార్పోరేషన్ ఉద్యోగులు ఉత్పత్తిని యధాస్థితికి తీసుకువచ్చేందుకు అవిరామ కృషితో, ఎంతో కష్టపడి పనిచేస్తున్నారని నిస్సాన్-జపాన్ ఛీఫ్ ఎగ్జిక్యూటివ్ కార్లోస్ ఘోస్న్ చెప్పారు. వాస్తవానికి కంపెనీ పూర్తిస్థాయి ఉత్పత్తికి అక్టోబర్ నెలను టార్గెట్‌గా పెట్టుకున్నామని, అయితే అక్టోబర్ కన్నా ముందుగానే ఈ లక్ష్యాన్ని ఛేధించేందుకు కంపెనీలోని ప్రతి ఒక్క ఉద్యోగి శ్రమిస్తున్నారని ఆయన తెలిపారు.

అలాగే.. భూకంపం కారణంగా ఉత్పత్తిని నష్టపోతున్న హోండా మోటార్స్ కూడా ఉత్పత్తి సామర్థ్యాన్ని పెంచేందుకు సన్నాహాలు ప్రారంభించింది. సాధారణ స్థాయి ఉత్పత్తిని రాబట్టేందుకు ప్రయత్నాలు మొదలుపెట్టామని, దానికి అనుగుణంగా షెడ్యూల్‌లను రూపొందిస్తున్నామని, కానీ ఇది విడిభాగాల సరఫరాపైనే ఎక్కువగా ఆధారపడి ఉంటుందని హోండా-జపాన్ ఛీఫ్ ఫైనాన్షియల్ ఆఫీసర్ ఫ్యుమిహికో అన్నారు. అయితే ప్రస్తుతం విడిభాగాల సరఫరా మెరుగుపడినట్లు ఆయన తెలిపారు. భారత్‌లో హోండా సియోల్ కార్స్ ఇండియా 50 శాతం ఉత్పత్తి తగ్గించి ప్లాంట్లను నడుపుతున్న సంగతి తెలిసిందే.

Article Published On: Tuesday, May 17, 2011, 14:19 [IST]

English summary

After Japanese car giant Toyota Kirloskar Motor (TKM) announcement resume normal production in Indian facility, another two car maker Honda, Nissan accelerate their efforts to resume full production, but said normal output is unlikely to happen until after the summer due to persistent shortages of parts.

More from DriveSpark