కారుకు ఎయిర్ డిఫ్లెక్టర్‌ను అమర్చడం వల్ల ఉపయోగాలేంటి?

Published: Thursday, April 14, 2011, 13:53 [IST]

మండు వేసవి కాలం వచ్చేసింది కారులో ఏసి ఉన్నప్పటికీ కూడా బయటి వేడి వాతావరణం కారణంగా కారు లోపల దాని ప్రభావం అంతంత మాత్రంగానే ఉంటుంది. సర్లే పోనీ అని కొంచెం కారు డోరు అద్దాలను కిందింకి దింపుకుందామంటే భగ్గున మండే వేడి గాలులు ముఖాన్ని తాకుతుంటాయి. అలాగే వర్షా కాలంలో కూడా..వర్షపు జల్లు కారులోపలకి ప్రవేశించకుండా అద్దాలన్నీ బిగించుకోవాల్సి వస్తుంది. కాస్త సరదాగా, హాయిగా ప్రకృతిని ఆస్వాదిద్దామంటే.. వర్షపు నీరు కారు లోనికి ప్రవేశించి పాడువతుందేమోననే భయం. మరి వీటిని ఎలా అధిగమించాలి..? దీనికి వేరే ఉపాయమేమీ లేదా..?

ఎందుకు లేదు.. మీ కారుకు వాయు విక్షేపకాన్ని (ఎయిర్ డిఫ్లెక్టర్) అమర్చుకుంటే సరి. ఎయిర్ డిఫ్లెక్టర్ వల్ల గాలి, లేదా వర్షపు చినుకులు నేరుగా కారులో పడకుండా ఉండేలా ఉపయోగపడుతుంది. కారులో ఏసి సదుపాయం లేని వారికి ఇది చక్కగా ఉపయోగపడుతుంది. కారుకు ఎయిర్ డిఫ్లెక్టర్‌ను అమర్చుకోవడం వల్ల డోరు అద్దాన్ని కొద్దిగా తెరచి ఉంచినప్పుడు గాలి వేగంగా లోనికి ప్రవేశించకుండా.. దారి మళ్లి స్వఛ్చమైన గాలి లోనికి వీస్తుంది. ఈ డిఫ్లెక్టర్లు తక్కువ బరువు కలిగిన ఎప్‌ఆర్‌పి మెటల్‌తో తయారు చేయబడి ఉంటాయి. అంతే కాకుండా కారు వీటిని అమర్చడంతో కారు అందానికే కొత్త స్పోర్టీ లుక్ వస్తుంది.

Article Published On: Thursday, April 14, 2011, 13:53 [IST]

English summary

Fixing Air Deflectors to Cars is more useful in Summer and Rainy seasons. It helps to deflect heat waves and rain while driving with windows down. It could be fitted on the 4 doors and it comes with light weight FRP material. It provides better aerodynamic flow pattern for the car. Air Deflectors also very useful while driving in light drizzle.

More from DriveSpark