అశోక్ లేలాండ్-నిస్సాన్‌ల జేవీ నుంచి తొలి ఎల్‌సీవీ 'దోస్త్'

Published: Wednesday, March 30, 2011, 11:25 [IST]

హిందుజా గ్రూప్‌ చెందిన ఫ్లాగ్‌షిప్‌ కంపెనీ అశోక్‌ లేలాండ్‌ మరియు జపాన్‌కు చెందిన ఆటో దిగ్గజం నిస్సాన్‌ మోటార్‌ కంపెనీలు కలిసి సంయుక్తంగా రూపొందించిన తొలి లైట్‌ కమర్షియల్‌ వెహికల్‌ (ఎల్‌సీవీ)ను ఈ జాయింట్ వెంచర్ మార్కెట్లోకి విడుదల చేసింది. 'అశోక్ లేలాండ్ దోస్త్" పేరుతో ఓ చిన్నతరహా వాణిజ్య వాహనాన్ని విడుదల చేశారు. 55 హెచ్‌పి హై టార్క్‌, 3 సిలిండర్‌ టర్బో చార్జ్‌ రైల్‌ డీజల్‌ ఇంజన్‌ సామర్థ్యం కలిగిన ఈ వాహనం 1.25 టన్నుల పేలోడ్‌ను సునాయసంగా తరలించగలదని హిందుజా ఆటోమోటివ్‌ ఎగ్జిక్యూటివ్‌ వైస్‌ చైర్మన్‌ వి సుమంత్రన్‌ ఒక ప్రకటనలో తెలిపారు.

'దోస్త్‌' బ్రాండ్‌ పేరిట విడుదలైన ఈ వేరియంట్‌ బిఎస్‌-3, 4 వర్షన్‌లలో లభిస్తుందని తెలిపారు. ఈ జేవీ నుంచి తయారైన వాహనాలను విక్రయించడానికి త్వరలో 25 మంది ఎక్స్‌క్లూజివ్ డీలర్లను నియమించనున్నామని పేర్కొంది. అక్టోబర్ 2007లో అశోక్ లేలాండ్, నిస్సాన్ కంపెనీలు మాస్టర్-కోపరేషన్ అగ్రిమెంట్ ద్వారా జాయింట్ వెంచర్‌గా ఏర్పడ్డాయి. ఇందుకోసం ఇరు కంపెనీలు రూ. 2,300 కోట్లను పెట్టుబడులుగా వెచ్చించాయి. కాగా.. అశోక్ లేలాండ్ దోస్త్ వాహనం ఈ జేవీ నుంచి వస్తోన్న తొలి ఎల్‌సీవీ కావడం విశేషం.

Article Published On: Wednesday, March 30, 2011, 10:12 [IST]

English summary

Ashok Leyland and Nissan Motor Company's JV has rolled out their first Light Commercial Vehicle under the brand, "Ashok Leyland - DOST". Ashok Leyland - DOST is pick-up truck with the pay load capacity of 1.25 tonne.

More from DriveSpark