ఢిల్లీలో కాలి బూడిదైన మరో టాటా నానో కారు!

Published: Monday, September 26, 2011, 8:49 [IST]

టాటా మోటార్స్ 'ప్రజల కారు'.. ఇప్పుడు 'బర్నింగ్ కారు'గా పేరు తెచ్చుకుంటోంది. ఈ నెలలో ఇప్పటి వరకూ మూడు అగ్ని ప్రమాద సంఘటనలు చోటు చేసుకున్న సంగతి తెలిసిందే. తాజాగా.. న్యూఢిల్లో ఆదివారం రాత్రి ఇలాంటిదే మరో సంఘటన చోటుచేసుకున్నట్లు పిటిఐ పేర్కొంది. ఓ అక్కా, తమ్ముడు ప్రయాణిస్తున్న టాటా నానో కారు ఢిల్లీలోని ఐటిఓ ప్రాంతం వద్ద రాత్రి 8.15 నిమిషాలకు ఈ సంఘటన చోటు చేసుకున్నట్లు పోలీసులను ఉటకింస్తూ పిటిఐ ప్రచురించింది.

ఓ టాటా నానో కారులో నిశాంత్ (25 ఏళ్లు) అనే విద్యార్థి, అతని అక్క సుమ (35 ఏళ్లు)లు క్రిష్ణా నగర్‌లోని తమ నివాసం నుంచి కన్నాట్ ప్లేస్‌కు వెళ్తుండగా ఈ సంఘటన చోటుచేసుకున్నట్లు పోలీసులు తెలిపారు. వీరిరువురూ కారులో వెళ్తుండగా పొగరావడాన్ని గమనించి వెంటనే కారును వదిలిపెట్టి బయటకు వచ్చారని, వారు బయటకు వచ్చిన 15 నిమిషాల్లో కారులో మంటలు చెలరేగాయని పోలీసులు తెలిపారు. కాగా.. ఈ ఒక్క నెలలోనే ఇలా టాటా నానో కారు మంటల్లో చిక్కుకోవడం ఇది నాలుగో సంఘటన. ఇదివరకే గుజరాత్, శ్రీలంక మరియు చెన్నై నగరాల్లో మూడు నానో కార్లు అగ్నికి ఆహుతి అయ్యాయి.

Article Published On: Monday, September 26, 2011, 8:49 [IST]

English summary

Another Tata Nano fire incident is reported in Delhi on 25th September 11. The incident took place near ITO at around 8:15 PM Yesterday. Nishant (25), a student, and his sister Suma(35) were going to Connaught Place from their Krishna Nagar residence when the incident took place, PTI reported as police said. Similar cases were reported in Gujarat, Sri Lanka and Chennai recently. However no official word came out from the company side.