చెన్నైలో చిచ్చుబడ్డిలా అంటుకున్న మరో టాటా నానో కారు!

కాగా.. ఈసారి టాటా నానో అగ్ని ప్రమాద సంఘటన తమిళనాడు రాష్ట్రంలోని చెన్నైలో చోటుచేసుకున్నట్లు తెలుస్తుంది. సెప్టెంబర్ నాలుగో తేదీన చెన్నైలో ఓ కొత్త టాటా నానో కారులో ఉన్నట్లుండి మంటలు అంటుకోవడాన్ని ఓ యూట్యూబ్ యూజర్ తన మొబైల్ ఫోన్‌లో వీడియో తీసి యూట్యూబ్‌లో అప్‌లోడ్ చేశాడు. అయితే, దీనికి సంబంధించిన మరిన్ని వివరాలను మాత్రం సదరు యూజర్ పంచుకోలేదు. ఈ వీడియోలో కాలిపోతున్న టాటా నానో కారును రిజిస్ట్రేషన్ నెంబర్‌ను తమిళనాడుకు చెంది ఉంది.

ప్రస్తుతం యూట్యూబ్‌లో ఇదే హాట్ వీడియోగా ఉంది. ఇప్పటి వరకూ ఉత్తర భారతదేశంలో అధికంగా టాటా నానో కార్లలో మంటలు చెలరేగిన సంఘటనలను మన గమనించాం. అయితే, దక్షిణ భారతదేశంలో ఇలా టాటా నానో కారు అగ్నిసమర్పణం కావండ ఇదే మొదటిసారి. ఏదేమైనప్పటికీ సంఘటనలపై టాటా మోటార్స్ ఇంత వరకూ ఎలాంటి ప్రకటనలు చేయలేదు.

ఈ తాజా సంఘటనతో ఒక్క సెప్టెంబర్ నెలలోనే అగ్నికి ఆహుతైన టాటా నానో కార్ల సంఖ్య మూడుకు చేరింది. ఇప్పటి వరకూ సుమారు 10కి పైగా నానో కార్లు ఇలా మంటల్లో చిక్కుకున్నాయి. అసలే మందగించిన అమ్మకాలతో సతమతవుతున్న టాటా నానోకు తాజా సంఘటనలు మరింత ప్రభావాన్ని చూపే ఆస్కారం ఉందని విమర్శకులు భావిస్తున్నారు.