జూన్ నెలలో 5% పడిపోయిన అశోక్ లేలాండ్ అమ్మకాలు

Published: Tuesday, July 5, 2011, 16:13 [IST]

దేశపు రెండవ అతిపెద్ద వాణిజ్య వాహన తయారీ సంస్థ, హిందూజా గ్రూపుకు చెందిన ఫ్లాగ్‌షిప్ కంపెనీ అశోక్ లేలాండ్ గత నెల విక్రయాలలో దాదాపు ఐదు శాతం క్షీణతను నమోదు చేసుకుంది. గతేడాది జూన్ నెలతో పోలిస్తే ప్రస్తుతం సంవత్సరం జూన్ నెల అమ్మకాలు 4.63 శాతం పడిపోయి 8,009 యూనిట్లుగా నమోదయ్యాయి. అంతకు ముందు సంవత్సరం ఇదే కాలానికి కంపెనీ అమ్మకాలు 8,398 యూనిట్లుగా ఉన్నట్లు కంపెనీ ఓ ప్రకటనలో పేర్కొంది.

కాగా.. ఇదే కాలానికి దేశీయ అమ్మకాలు 8.98 శాతం క్షీణించి 7,497 యూనిట్ల నుంచి 6,824 యూనిట్లకు పడిపోయాయి. అయితే, ఎగుమతులు మాత్రం 31.52 శాతం పెరిగాయి. జూన్ 2010 కేవలం 901 యూనిట్లను మాత్రమే ఎగుమతి చేస్తే, జూన్ 2011లో ఎగుమతులు 1,185 యూనిట్లుగా నమోదయ్యాయి. అంతేకాకుండా, మధ్య మరియు భారీ వాణిజ్య వాహనాల దేశీయ అమ్మకాలు కూడా 8.36 శాతానికి తగ్గి 7,402 యూనిట్ల నుంచి 6,783 యూనిట్లకు పడిపోయాయి.

Article Published On: Tuesday, July 5, 2011, 16:13 [IST]

English summary

Country's second-largest commercial vehicle maker and Hinduja Group flagship firm Ashok Leyland, said it sold 8,009 vehicles in June, down 4.6 per cent from a year ago. The company had sold 8,398 units in the same month of 2010, Ashok Leyland said in a statement.

More from DriveSpark