భారత్‌లోకి ఏ3 సెడాన్‌ను విడుదల చేయాలని భావిస్తున్న ఆడి

Published: Thursday, May 19, 2011, 12:23 [IST]

ప్రముఖ లగ్జరీ కార్ల తయారీ సంస్థ ఆడి భారత మార్కెట్ గురించి పూర్తిగా అధ్యయనం చేసి, దేశీయ వినియోగదారుల అభిరుచులకు అనుగుణంగా ఉత్పత్తులను రూపొందిస్తుంది. ఈ నేపథ్యంలో కంపెనీ అందిస్తున్న గ్లోబల్ స్పోర్ట్స్ సెడాన్ "ఆడి ఏ3" కారును భారత మార్కెట్లోకి ప్రవేశపెట్టాలని భావిస్తోంది. ఏ3 సెడాన్‌ను ఇటీవలే ముగిసిన జెనీవా మోటార్ షోలో ఆడి ప్రదర్శించింది. దీనిపై ఆడి ఇండియా హెడ్ మైఖేల్ ప్రెస్కీ స్పందిస్తూ.. భారత మార్కెట్లో లీడర్‌షిప్ స్థానాన్ని సంపాధించుకునేందుకు ఇక్కడ పరిచయం చేయాల్సిన కొన్ని ఉత్పత్తులు తమ మదిలో ఉన్నాయని, తమ ప్రోడక్ట్ పోర్ట్‌ఫోలియోకు ఏ3 కారును చేర్చే అంశంపై మార్కెట్ అధ్యయనం చేస్తున్నామని తెలిపారు.

మార్కెట్ వర్గాల సమాచారం ప్రకారం 2012 తర్వాత ఏ3 సెడాన్ భారత్‌కు వచ్చే అవకాశాలున్నాయి. భారత్‌లో ఇది పెట్రోల్ మరియు డీజిల్ రెండు వేరియంట్లలో మ్యాన్యువల్ లేదా ఆటోమేటిక్ ట్రాన్సిమిషన్ సిస్టమ్‌తో లభించవచ్చు. కాగా.. జెనీవా మోటార్ షోలో ప్రదర్శించి ఏ3 సెడాన్ కాన్సెప్ట్ కారు క్వెట్టారో ఆల్-వీల్-డ్రైవ్ సిస్టమ్ కలిగినది, అయితే ఎంట్రీ లెవల్ వేరియంట్లలో మనం రియర్-వీల్ డ్రైవ్ సిస్టమ్‌ను ఎక్స్‌పెక్ట్ చేయవచ్చు. దీని వల్ల కారు ధర తగ్గడమే కాకుండా, ఇంధన సామర్థ్యం కూడా పెరుగుతుంది. ఏ3 సెడాన్ భారత మార్కెట్లోకి వచ్చినట్లయితే.. ఇప్పటికే ఈ విభాగంలో హవా కొనసాగిస్తున్న మెర్సిడెస్ బెంజ్ సి-క్లాస్, బిఎమ్‌డబ్ల్యూ 3-సిరీస్‌ల నుంచి గట్టి పోటీ ఎదుర్కోవాల్సి ఉంటుంది.

Article Published On: Thursday, May 19, 2011, 12:23 [IST]

English summary

Audi India has initiated a market study to understand the potential of its A3 sports sedan in the Indian market. The Audi A3 sedan which was first displayed at the Geneva motor show garnered rave reviews from people and auto journalists. Audi's India head Michael Pershcke said: “We have certain products in mind which we want to introduce to gain leadership position in the Indian market.

More from DriveSpark