75 శాతం పెరిగిన ఆడి ఇండియా జూన్ నెల అమ్మకాలు

Published: Tuesday, July 5, 2011, 17:31 [IST]

భారతదేశపు తృతీయ అగ్రగామి లగ్జరీ కార్ల తయారీ సంస్థ, జర్మనీకు చెందిన ఆడి ఇండియా జూన్ నెల విక్రయాలలో అద్భుతమైన గణాంకాలను నమోదు చేసుకుంది. జూన్ 2011లో ఆడి ఇండియా సేల్స్ 75.11 శాతం వృద్ధి చెంది 408 యూనిట్లుగా నమోదయ్యాయి. గతేడాది ఇదే కాలానికి కంపెనీ విక్రయాలు 233 యూనిట్లుగా ఉన్నట్లు ఆడి ఇండియా ఓ ప్రకటనలో పేర్కొంది. మే నెలలో కూడా కంపెనీ విక్రయాలు వంద శాతం వృద్ధిని సాధించిన సంగతి తెలిసిందే. మొత్తం మీద చూస్తే.. ఆడి ఇండియా అమ్మకాలు స్థిరంగా వృద్ధిని కొనసాగిస్తున్నాయని చెప్పవచ్చు.

ఈ ఏడాది జనవరి-జూన్ కాలానికి గానూ ఆడి అమ్మకాలు, గతేడాది ఇదే సమయంతో పోలిస్తే రెండింతలు వృద్ధి చెందాయి. జనవరి-జూన్ 2010లో కంపెనీ కేవలం 1,400 యూనిట్లను మాత్రమే విక్రయిస్తే, జనవరి-జూన్ 2011లో ఆడి ఇండియా 2,802 యూనిట్లను విక్రయించింది. ఈ ఏడాది ఫస్టాఫ్ (ప్రధమార్థం)లో కంపెనీ అత్యత్తుమైన ప్రతిభను కనబరిచిందని త్వరలోనే తమ 2010 వార్షిక విక్రయాల సంఖ్య (3003 యూనిట్ల)ను అధిగమిస్తామని ఆడి ఇండియా హెడ్ మైఖేల్ ప్రెస్కీ తెలిపారు.

Article Published On: Tuesday, July 5, 2011, 17:30 [IST]

English summary

German luxury car maker Audi India reported a 75.11% jump in its sales for the month of June 2011. The Company has sold 408 units in the last month as compared to 233 units in the same month last year, Audi India said in a statement.

More from DriveSpark