రాష్ట్ర మార్కెట్లోకి మరో విలాసవంతమైన కారు 'ఆడి ఆర్8'

Published: Saturday, February 5, 2011, 15:47 [IST]

లగ్జరీకార్ల తయారీలో పేరుగాంచిన ఆడి ఇండియా మరో అడుగు ముందుకేసి రాష్ట్ర మార్కెట్లో మరో సరికొత్త విలాస వంతమైన కారును ప్రవేశపెట్టింది. అత్యంత ఖరీదైన, విలాసవంతమైన కారును కోరుకునే ధనవంతుల కోసం ఆడి ఇండియా కంపెనీ 'ఆడి ఆర్‌8'ను హైదరాబాద్‌లో విడుదల చేసింది. 2010లో వరల్డ్‌ పెర్‌ఫార్మెన్స్‌ కారుగా పేరుపొందిన ఆడి ఆర్‌ 8, 5.2 టిఎస్‌ఐ అత్యాధునిక సాంకేతిక పరిజ్ఞానం కలిగిన వి10 ఇంజన్‌తో పాటు ఎంతో విలాసవంతంగా ఉండే అనేక సదుపాయాలతో ఈ కారును రూపొందించారని ఆడి హైదరాబాద్‌ (ఒలంపియాస్‌ మోటార్స్‌) మేనేజింగ్‌ డైరెక్టర్‌ రాజీవ్‌ ఎం సంఘ్వి తెలిపారు.

మాన్యువల్‌ సిక్స్‌స్పీడ్‌ ట్రాన్స్‌మిషన్‌, ఆర్‌ ట్రానిక్‌, రాకర్‌ స్విచెస్‌ వంటి ప్రత్యేకతలు ఉన్నాయి. ఈ కారు డ్రైవింగ్‌ టెక్నాలజీలో లాంచ్‌ కంట్రోల్‌ ఫంక్షన్‌ ఉంటుందని ఆయన తెలిపారు. ఇది 3.9 సెకన్లలో 0 నుంచి 100 కిలోమీటర్ల వేగాన్ని అందుకుంటుందని, గంటకు 316 కిలోమీటర్ల గరిష్ట వేగంతో వెళుతుందని వివరించారు. ఇన్ని ప్రత్యేకతలున్న ఈ కారు ధర కోటి 37 లక్షల రూపాయల నుంచి ప్రారంభమవుతుందని, వినియోగదారులు తమ అభిరుచులకు అనుగుణంగా దిద్దుకోవాలంటే అదనంగా ఏడు లక్షల రూపాయల నుంచి 50 లక్షల రూపాయల వరకూ వరకు ఖర్చు అవుతుందని ఆయన తెలిపారు.

Article Published On: Saturday, February 5, 2011, 15:47 [IST]

English summary

Audi has launched the R8 5.2 TSI V10 in Hyderabad. If you happen to have Rs 1.37 crore handy, you can now go into an Audi dealership and drive out in this beast of a machine.

More from DriveSpark