ఈ దశాబ్దంలో 30,000 కార్లను విక్రయించాలనుకుంటున్న ఆడి

Published: Thursday, March 10, 2011, 19:18 [IST]

భారత్‌లో భారీ వృద్ధిని కనబరస్తున్న జర్మన్ లగ్జరీ కార్ల తయారీ సంస్థ ఆడి ఇక్కడి విక్రయాలలో భారీ టార్గెట్‌ను నిర్దేశించుకుంది. ఈ దశాబ్దంలో భారత మార్కెట్లో 30,000 కార్లను విక్రయించాలని భావిస్తున్నట్లు కంపెనీ పేర్కొంది. ప్రపంచంలోని టాప్ టెన్ మార్కెట్లలో ఆసియా మార్కెట్‌ను కూడా ఒకటిగా చేయాలన్నదే తమ లక్ష్యమని ఆడి తెలిపింది. ఈ లక్ష్యాలను చేరుకోవడం కోసం హ్యాచ్‌బ్యాక్ కారు ఏ1, ఎస్‌యూవీ కారు క్యూ3, కాన్సెప్ట్ సెడాన్ ఏ3లను విడుదల చేయనుంది. వీటితో పాటు ఈ ఏడాది ఓ కొత్త మోడల్ కారు, మరో రెండు వేరియంట్లను కూడా కంపెనీ విడుదల చేయనుంది.

భారత మార్కెట్లో 2020 నాటికి తమ విక్రయాల సంఖ్య 25,000 - 30,000 యూనిట్లకు చేరుకుని, టాప్‌ టెన్‌లో ఒకటి కాగదలని కంపెనీ ఉన్నతాధికారి ఒకరు వెల్లడించారు. 2010లో ఆడి పూర్తి అనుబంధ సంస్థ అయిన ఆడి ఇండియా 3003 కార్లను విక్రయించి గతేడాదితో పోలిస్తే 18 శాతం వృద్ధిని సాధించింది. ఈ సంఖ్య 2011లో 4,500 యూనిట్లకు, అలాగే 2015లో 15,000 యూనిట్లకు చేరుకోగలదని ఆయన ఆశాభావం వ్యక్తం చేశారు. ఇదిలా ఉండగా.. కేంద్ర బడ్జెట్ 2011లో సికెడి యూనిట్లపై ప్రభుత్వం తీసుకున్న నిర్ణయాన్ని మరోసారి పునఃపరిశీలించాల్సిన అవసరం ఉందని ఆడి పేర్కొంది.

Article Published On: Thursday, March 10, 2011, 19:18 [IST]

English summary

With the sale figure expected to rise by 10% the German car maker Audi is coming out with its plans to sell 30000 units by this decade end making Asian market into the top ten markets in the world. To meet these sort of targets, the company is initiating with the launch of a new hatchback A1, the ensuing SUV Q3 and A3 concept sedan.

More from DriveSpark