చెన్నయ్ ప్లాంటులో ఉత్పత్తిని 10,000 పెంచిన బిఎమ్‌డబ్ల్యూ

చెన్నయ్‌ ద్వారా కార్యకలాపాలు నిర్వహిస్తున్న జర్మనీ ఆటోమొబైల్ దిగ్గజం బిఎమ్‌డబ్ల్యూ ఇక్కడి ప్లాంటులోని ఉత్పత్తి సామర్థ్యాన్ని పెంచిన్నట్లు పేర్కొంది. భారత్‌లో లగ్జరీ కార్లకు పెరుగుతున్న డిమాండుకు అనుగుణంగా కార్లను సరఫరా చేయాలనే ఉద్దేశంతో ఈ నెల ప్రారంభం నుంచే చెన్నయ్ ప్లాంటు ఉత్పత్తి సామర్థ్యాన్ని సాలీనా 10,000 యూనిట్లకు పెంచినట్లు బిఎమ్‌డబ్ల్యూ ఓ ప్రకటనలో పేర్కొంది. భారత లగ్జరీ మార్కెట్లో తమ నంబర్ వన్ స్థానాన్ని అలానే నిలుపుకోవాలని భావిస్తున్నామని కంపెనీ తెలిపింది. ఇది వరకూ ఈ ప్లాంటు ఉత్పత్తి సామర్థ్యం వార్షికంగా 8,000 యూనిట్లుగా ఉండేది.

2010లో భారత లగ్జరీ కార్ సెగ్మెంట్లో బిఎమ్‌డబ్ల్యూ విక్రయాలలో 73 శాతం వృద్ధితో 6,246 యూనిట్లను విక్రయించి, ఈ విభాగంలో మరో లగ్జరీ కార్ల దిగ్గజం అయిన మెర్సిడెస్ బెంజ్‌ను అధిగమించి అగ్రస్థానంలో నిలిచింది. ఇదే సమయంలో బెంజ్ విక్రయాలు విక్రయాలు 80 శాతం వృద్ధితో 5,819 యూనిట్లుగా ఉన్నాయి. కాగా.. ఈ ఏడాది మధ్య భాగంలో స్పోర్ట్స్ యుటిలిటీ వాహనం (ఎస్‌యూవీ) ఎక్స్3 యెక్క సరికొత్త వెర్షన్‌ను బిఎమ్‌డబ్ల్యూ విడుదల చేయనుంది. బిఎమ్‌డబ్ల్యూ ఎక్స్3ను విడిభాగాలుగా జర్మనీ నుంచి దిగుమతి చేసుకొని చెన్నయ్ ప్లాంటులో అసెంబ్లింగ్ చేస్తుంది.

ఇలా దిగుమతి చేసుకునే విడిభాగాలను కంప్లీట్లీ నాక్‌డ్ డౌన్ (సికెడి) యూనిట్లు అని, ఈ వ్యాపారాన్ని సికెడి వ్యాపారం అని అంటారు. ప్రస్తుతం ఈ ప్లాంటులో 3-సిరీస్, 5-సిరీస్, ఎక్స్1 కార్లను బిఎమ్‌డబ్ల్యూ అసెంబ్లింగ్ చేస్తుంది. ప్రపంచ వ్యాప్తంగా ప్రాచుర్యం పొందిన స్పోర్ట్స్ యుటిలిటీ వాహనం బిఎమ్‌డబ్ల్యూ ఎక్స్1ను కంపెనీ గత డిసెంబర్ నెలలో భారత్‌లో విడుదల చేసిన సంగతి తెలిసిందే. పెట్రోల్ వేరియంట్‌లో లభించే ఎక్స్ కారు ధర రూ. 22 లక్షలు (ఎక్స్-షోరూమ్, ఆల్-ఇండియా)గా ఉంది. ఇకపోతే దీని డీజిల్ వేరియంట్‌ రెండు ఆప్షన్లలో లభిస్తుంది. వీటి ధరలు రూ. 23.9 లక్షలు మరియు రూ. 29.9 లక్షలు(ఎక్స్-షోరూమ్, ఆల్-ఇండియా)గా ఉన్నాయి.

More from DriveSpark

View More

• 
  ఇంత మంచి కారును ఎవరూ పట్టించుకోవడం లేదు.. 27 కి.మీ మైలేజ్, ఫుల్ సేఫ్టీ, 5 మందికి సరిపోద్ది
• 
  ఒక్కసారిగా కుప్పకూలిన కారు అమ్మకాలు.. 8 మంది కూర్చోవచ్చు, పైగా 23 కి.మీ మైలేజ్!
• 
  స్మార్ట్‌ఫోన్ ధరకే స్కూటర్..లీటరు పెట్రోల్ ఖర్చుతో నెలంతా తిరిగేయండి..టీవీఎస్ ఆర్బిటర్ ఫీచర్లు మామూలుగా లేవు
• 
  ఏనుగు సైజున్న మారుతి కారుకు ఒక్కసారిగా డిమాండ్ పెరిగింది! ఇది ఉంటే బస్సులు, రైళ్లు అవసరం లేదు
• 
  ఆ ఎలక్ట్రిక్ స్కూటర్లపై రూ.20,000 తగ్గింపు.. డిమాండ్ పెరగకముందే షోరూమ్‌కు పరిగెత్తండి
• 
  అయ్యయ్యో..! కస్టమర్లు రాక దోమలు కొట్టుకుంటున్న డీలర్లు.. మారుతి కారుకి కష్టకాలం!
• 
  బైక్ లాగా 30 కి.మీ మైలేజ్ కారు.. కొనేవాళ్లు మాత్రం కనిపించడం లేదు.. ధర రూ.6.39 లక్షలే!
• 
  ఇవే 4 బెస్ట్ మైలేజ్ స్కూటర్లు.. ఒక్కసారి కొంటే కొన్నేళ్ల పాటు టెన్షన్ లేదు! రోజూ ఆఫీస్‌కు యూజ్‌ఫుల్
• 
  జపాన్ కంపెనీ కార్లకు బ్రహ్మరథం పడుతున్న జనాలు.. ఈ కార్ల కోసం షోరూమ్‌ల ముందు పడిగాపులు