మా మార్కెట్లోకి టాటా నానోను స్వాగతిస్తున్నాం: బ్రెజిల్

బ్రెజిల్‌లో అత్యధిక జనాభా కలిగిన రాష్ట్రాలలో మినాస్‌ గెరాయిస్‌ కూడా ఒకటి. ఎనిమిది రోజుల భారత పర్యటన నిమిత్తం మన దేశానికి వచ్చిన ఆయన ముంబైలో టాటా సంస్థల చైర్మన్‌ రతన్‌ టాటాను కలిసి ఈ విషయమై చర్చించారు. శుక్రవారం ఢిల్లీలో జరిగిన సిఐఐ సమావేశంలో పాల్గొన్న అనంతరం ఆయన మీడియాతో మాట్లాడుతూ.. టాటా నానో కారు పట్ల బ్రెజిల్‌ వాసులు మంచి ఆసక్తిని కనబరుస్తున్నారని చెప్పారు.

కాగా.. టాటా మోటార్స్ ఇప్పటికే తమ నానో కారును శ్రీలంక, నేపాల్ దేశాలకు కంప్లీట్లీ బిల్ట్ యూనిట్ (సిబియూ) రూట్లో ఎగుమతి చేస్తున్న సంగతి తెలిసిందే. ఇదే విధంగా మరికొద్ది రోజుల్లో మయన్మార్‌ దేశానికి కూడా టాటా నానో కారును ఎగుమతి చేయాలని, అలాగే విదేశాలకు టాటా నానోను విడి భాగాలుగా దిగుమతి చేసుకొని కంప్లీట్లీ నాక్‌డ్ డౌన్ (సికెడి) రూట్లో అసెంబ్లింగ్ చేయాలని యోచిస్తోంది.