మార్చి 9 నుంచి బస్‌ అండ్‌ స్పెషల్‌ వెహికిల్‌ ఎక్స్‌పో

Published: Tuesday, June 26, 2012, 15:30 [IST]

Bus & Special Vehicles Expo'11 in Hyderabad

మార్చి 9, 2011 నుండి హైదరాబాద్‌లోని హైటెక్స్‌ ఎగ్జిబిషన్‌ సెంటర్‌లో "రెండవ బస్ మరియు ప్రత్యేక వాహన ప్రదర్శన" (సెకండ్ బస్‌ అండ్‌ స్పెషల్‌ వెహికిల్‌ ఎక్స్‌పో 2011) ప్రారంభం కానుంది. ఈ కార్యక్రమాన్ని భారత పరిశ్రమల శాఖ (సిఐఐ), భారత ఆటోమొబైల్ తయారీదారుల సంఘం (ఎస్ఏఎమ్), భారీ పరిశ్రమల శాఖ, రాష్ట్ర రవాణా మంత్రిత్వ శాఖలు కలిసి సంయుక్తంగా నిర్వహించనున్నాయి. ఈ నెల బుధవారం నుంచి (మార్చి 9, 2011 నుంచి మార్చి 12, 2011) మూడు రోజుల పాటు జరిగనున్న ఈ ప్రదర్శనను ఆంధ్రప్రదేశ్ రాష్ట్ర రవాణా శాఖ మంత్రి బొత్సా సత్యనారాయణ ప్రారంభించనున్నారని పరిశ్రమల శాఖ ఓ ప్రకటనలో పేర్కొంది.

ఈ బస్‌ అండ్‌ స్పెషల్‌ వెహికిల్‌ ఎక్స్‌పో 2011లో ఆటోమొబైల్ పరిశ్రమలోని పలు ప్రముఖ కంపెనీలు.. తాము రూపొందించిన కొత్త ఉత్పాదనలు, లగ్జరీ కోచ్‌లు, న్యూ రేంజ్‌ బస్సులు, మొబైల్‌ క్లాస్‌రూమ్‌, హైబ్రిడ్‌ వేరియంట్లను ప్రదర్శించనున్నారు. టాటా మోటార్స్‌ తయారు చేసిన హైబ్రిడ్‌ బస్‌ బిఎస్‌విఈ 2011ను ఇక్కడ తొలిసారిగా ప్రదర్శించనుందని, 30 విద్యార్ధులకు పాఠ్యాంశాలు బోధించే ఎల్‌సీడీ ప్రొజక్టర్‌తో కూడిన బస్‌ ప్రత్యేక ఆకర్షణ కాగలదని సిఐఐ తెలిపింది. ఇంకా వోల్వో, ఎస్‌ఎమ్ఎల్‌ ఇసుజు, మహీంద్రా నావీస్టార్‌, ఫోర్స్‌ మోటార్స్‌, అలిసన్‌ ట్రాన్స్‌మిషన్‌, ఫైర్‌స్టోన్‌, టివిఎస్‌, చైన్‌ ఎఫ్‌ఎడబ్ల్యు గ్రూప్‌ తదితర సంస్థలు తమ ఉత్పత్తులను ఈ షోలో ప్రదర్శించనున్నాయి.

Article Published On: Monday, March 7, 2011, 16:23 [IST]

English summary

The 2nd Bus and Special Vehicles Expo'11 is scheduled to start from Mar 9, 2011 to Mar 12, 2011, which is jointly organizing by Confederation of Indian Industry (CII) and Society of Indian Automobile Manufacturers (SIAM). In this show lot of global players are going unveil their new models.

More from DriveSpark