కార్ల విక్రయాలలో 24%, బైకుల విక్రయాలలో 19% వృద్ధి

Published: Friday, April 8, 2011, 16:03 [IST]

2010-11 ఆర్థిక సంవత్సరం ముగింపు కావడంతో.. మార్చి నెలలో దేశీయ వాహన విక్రయాలు జోరుగా సాగాయి. వినియోగాదారులను ఆకట్టుకునేందుకు ఆటోమొబైల్ కంపెనీలు చేసిన ప్రయత్నాలు సత్ఫలితాలనిచ్చాయి. మార్చి, 2011లో దేశీయ ప్యాసింజర్ కార్ల విక్రయాలు 24.37 శాతం వృద్ధి చెంది 1,94,199 యూనిట్లుగా నమోదయ్యాయి. ఆంతకు ముందు సంవత్సరం ఇదే సమయంలో ప్యాసింజర్ కార్ల విక్రయాలు 1,56,145 యూనిట్లుగా ఉన్నాయి.

భారత ఆటోమొబైల్ తయారీదారుల సంఘం (ఎస్ఐఏఎమ్) వెల్లడించిన గణాంకాల ప్రకారం... దేశీయ మోటార్‌సైకిల్ విక్రయాలు 18.72 శాతం వృద్ధితో 8,40,941 యూనిట్లను అమ్ముడయ్యాయి. గతేడాది ఇదే సమయంలో మోటార్‌సైకిల్ విక్రయాలు 7,08,369 యూనిట్లుగా ఉన్నాయి. అలాగే మొత్తం ద్విచక్ర వాహన విక్రయాలు 19.14 శాతం వృద్ధి చెంది 10,96,233 యూనిట్లుగా ఉంటే అంతకు ముందు సంవత్సరంలో ఇవి 9,20,154 యూనిట్లుగా ఉన్నాయి.

ఇకపోతే.. వాణిజ్య వాహణ విభాగంలో విక్రయాలు 15.35 శాతం వృద్ధితో 77,688 యూనిట్లు అమ్ముడయ్యాయి. అంతకు ముందు సంవత్సరంలో ఇవి 67,352 యూనిట్లుగా ఉన్నట్లు ఎస్ఐఏఎమ్ విడుదల చేసిన గణాంకాలు వెల్లడిస్తున్నాయి. అన్ని విభాగాలను కలిపి చూస్తే మార్చి, 2011లో మొత్తం భారత వాహన విక్రయాలు 19.42 శాతం వృద్ధిని నమోదు చేసి 14,65,909 యూనిట్లుగా ఉంటే.. మార్చి, 2010లో 12,27,511 యూనిట్లుగా నమోదయ్యాయి.

Article Published On: Friday, April 8, 2011, 16:03 [IST]

English summary

As per the Society of Indian Automobile Manufacturers (SIAM) Figures released today, domestic passenger car sales rose by 24.37% to 1,94,199 units in March, 2011, from 1,56,145 units in the same month last year. Meanwhile motorcycle sales grew by 18.72% during the month to 8,40,941 units from 7,08,369 units in the same month last year.

More from DriveSpark