నంబర్‌ ప్లేట్‌లో 'Z' ఉన్న కార్లకు ఎక్కువ ప్రమాదాలు: స్టడీ

Published: Thursday, April 14, 2011, 18:03 [IST]

నంబర్ ప్లేట్‌లో ఆంగ్ల ఆల్ఫాబెట్ అక్షరం జెడ్ (Z) ఉన్న కార్లు అత్యధికంగా ప్రమాదాలు గురవుతున్నట్లు తాజా అధ్యయనంలో తేలింది. యాక్సిడెంట్లపై జరిపిన ఓ బ్రిటీష్ అధ్యయనంలో ఈ విషయం వెల్లడైంది. యాక్సిడెంట్ ఇన్సూరెన్స్ క్లెయిమ్ లిస్ట్‌లో ప్రమాదాలకు గురైన టాప్ 5 రిజిస్ట్రేషన్ నంబర్ల సిరీస్ లిస్ట్‌లో మూడు సిరీస్‌లు జెడ్ కాంబినేషన్‌తో ఉన్నవేనని 'ఎలిఫెంట్' ఇన్సూరెన్స్ సంస్థ పేర్కొంది. డ్రైవర్ తప్పిదం లేకపోయినప్పటికీ నంబర్ ప్లేట్‌లో జెడ్ అక్షరం ఉన్న కారణంగా ఎక్కువ ప్రమాదాలు జరిగినట్లు ఆ సర్వేలో తేలింది. మొత్తం 6,43,939 యాక్సిడెంట్లపై ఈ అధ్యయనం నిర్వహించారు.

కాగా.. వీటిలో 4,23,870 ప్రమాదాలు డ్రైవర్ తప్పిదాల కారణంగా జరిగితే.. 2,14,069 యాక్సిడెంట్లు డ్రైవర్ తప్పు లేకపోయినప్పటికీ జరిగినట్లు ఆ సంస్థ పేర్కొంది. ఎన్‌సిజెడ్ (NCZ), డికెవై (DKY), ఏడబ్ల్యూజెడ్ (AWZ), ఎల్‌జివై (LGY) మరియు ఏఏజెడ్ (AAZ) సిరీస్‌ రిజిస్ట్రేషన్ నంబర్లు కలిగిన వాహనాలు యాక్సిడెంట్లలో టాప్ ఫైన్ స్థానాల్లో ఉన్నాయని, డ్రైవర్ తప్పిదం లేకుండా జరిగిన ప్రమాదాల్లో ఆర్ఎమ్‌జెడ్ (RMZ) సిరీస్ వాహనాలు అధికంగా ఉన్నాయని ఆ సర్వే పేర్కొంది.

NCZ సిరీస్‌లో డ్రైవర్ తప్పిదం కారణంగా 88 కేసులు నమోదవుతుంటే.. RMZ సిరీస్‌లో డ్రైవర్ తప్పిదం కారణంగా 44 కేసులు నమోదవుతున్నట్లు సర్వే పేర్కొంది. అయితే ఈ అంశంపై బీమా కంపెనీ మేనేజింగ్ డైరెక్టర్ బ్రియాన్ మార్టిన్ మాట్లాడుతూ.. ఖచ్చితంగా ఈ ప్రమాదాలు కేవలం యాధృచ్చింగా జరిగినవి మాత్రమేనని, ఈ ప్రమాదాలకు రిజిస్ట్రేషన్ నంబరే కారణమని చెప్పలేమని అన్నారు. బ్రిటీష్ పత్రిక డెయిలీ మెయిల్ ఈ కథనాన్ని ప్రచురించింది.

Article Published On: Thursday, April 14, 2011, 17:15 [IST]

English summary

A British study has revealed that vehicles having the alphabet Z in their registration number are more likely to be involved in road accidents. The last letter of the alphabet appears in three of the top five list of accident insurance claims in Britain, according to Elephant.co.uk, an insurance firm.

More from DriveSpark