త్వరలో భారత్‌కు రానున్న జీఎమ్ స్పోర్ట్స్ కార్ 'చెవర్లెట్ కామరో'

గతేడాది జరిగిన ఆటో ఎక్స్‌పో 2010లో జనరల్ మోటార్స్ ఈ కారును ప్రదర్శనకు ఉంచింది. కానీ ప్రపంచంలో రెండవ అతిపెద్ద వృద్ధి చెందుతున్న మార్కెట్లో (భారత్) ఇంత త్వరగా విడుదల చేయగలమని కంపెనీ ఊహించలేదు. కాగా.. కామరో కారుకు సంబంధించి ధరను కానీ.. లేదా ఖచ్చితమైన విడుదల తేదీని కానీ ఆయన ప్రకటించలేదు. అయితే కామరో ధర దాదాపు రూ. 30 లక్షలు ఉండవచ్చునని అంచనా. ఈ అంచనా కనుక నిజమైతే ప్రపంచంలోనే అత్యంత చవకైన స్పోర్ట్స్ కార్‌గా కామరో నిలువనుంది. అంతేకాకుండా.. భారత్‌లో జనరల్ మోటార్స్ అందిస్తున్న అన్ని కార్ల శ్రేణిలో ఇదే అత్యంత ఖరీదైన కారుగా కూడా నిలువనుంది.

కాగా.. అమెరికాలో చెవర్లట్ కామరో ప్రారంభ మోడల్ ధర 20,000 డాలర్లుగాను, హై-ఎండ్ వేరియంట్ మోడల్ ధర 40,000 డాలర్లు గాను ఉంది. కామరో విడుదలతో భారత్‌లో తమ బ్రాండ్ ఇమేజ్ మరింత పెరిగే అవకాశం ఉందని కంపెనీ ధీమా వ్యక్తం చేస్తుంది.