భారత మార్కెట్లోకి ప్రవేశించనున్న కేటర్‌హామ్ కార్స్

వచ్చే సంవత్సరం మధ్య భాగం నాటికి ఈ కార్లు భారత్‌లో అందుబాటులోకి రానున్నాయి. దేశీయ మార్కెట్లో కేటర్‌హామ్ కార్ల ధరలు రూ.28 లక్షలు మొదలుకొని రూ.90 లక్షల వరకూ ఉండనున్నాయి. అంతేకాకుండా తమ లేటెస్ట్ స్పోర్ట్స్ కార్ 'ఎస్‌పి300'ను కూడా భారత్‌కు తీసుకు వచ్చేందుకు కంపెనీ సన్నాహాలు చేస్తుంది.

ఎస్‌పి300 స్పోర్ట్స్ కార్ ధర రూ.66,000 పౌండ్లు. భారతదేశం మొట్టమొదటి సారిగా ఫార్ములా వన్ రేస్‌కు ఆతిథ్యమిస్తున్న తరుణంలో, దేశీయ మార్కెట్లోకి ప్రవేశించేందుకు ఇదే మంచి తరుణమని, మోటార్‌స్పోర్ట్స్‌తో ముడిపడి ఉన్న కేటర్‌హామ్ ఇక్కడి మోటార్‌స్పోర్ట్స్‌ ఔత్సాహికులకు మంచి అవకాశాలను ఇవ్వగలమని భావిస్తున్నామని కేటర్‌హామ్ కార్స్ మేనేజింగ్ డైరెక్టర్ అన్సార్ అలీ తెలిపారు.