పెట్రో బూచి: గణనీయంగా పెరిగిన డీజిల్ కార్ల డిమాండ్

Published: Tuesday, December 6, 2011, 15:56 [IST]

సాధారణంగా పెట్రోల్ కార్ల ధరలతో పోలిస్తే డీజిల్ కార్ల ధరలు దాదాపు లక్ష రూపాయలకు పైగా ఎక్కువగా ఉంటాయి. అయినప్పటికీ.. నిరంతర పెరుగుతున్న పెట్రోల్ ధరలతో బెంబేలెత్తిపోతున్న కొనుగోలుదారులు ధరక్కువైనా ఫర్వాలేదని డీజిల్‌‌తో నడిచే కార్లనే ఆశ్రయిస్తున్నారు. ఫలితంగా మునపెన్నడూ లేనివిధంగా దేశీయ మార్కెట్లో డీజిల్ కార్లకు డిమాండ్ భారీగా పెరిగింది.

తాజా గణాంకాలను బట్టి గమనిస్తే, ప్రస్తుత ఆర్థిక సంవత్సరంలో డీజిల్ కార్ల విక్రయాలు అమాంతం 22 శాతానికి పెరిగిపోయాయి. అదే పెట్రోల్ కార్ల అమ్మకాలను గమనిస్తే, అవి 14 శాతానికి పడిపోయాయి. పెట్రోల్, డీజిల్ రెండు వేరియంట్లలో లభ్యమయ్యే మోడళ్లను గమనిస్తే, పెట్రోల్ మోడల్ కన్నా డీజిల్ మోడల్ అమ్మకాలు 80 శాతం వరకూ పెరిగాయి.

ప్రస్తుతం మారుతి సుజుకి పెట్రోల్ వేరియంట్ ఒకటి రెండు నెలల వెయిటింగ్ పీరియడ్ సమయంలోనే సొంతమవుతుంటే, డీజిల్ వేరియంట్ కోసం మాత్రం 8-10 నెలలు వేచి ఉండాల్సి వస్తుంది. హ్యుందాయ్ వెర్నా, చెవర్లే బీట్, టొయోటా ఎతియోస్, ఫోర్డ్ వంటి డీజిల్ వేరియంట్ల డెలివరీ పీరియడ్ కూడా పెట్రోల్ వేరియంట్ల వెయిటింగ్ పీరియడ్‌తో పోలిస్తే కాస్తంత అధికంగానే ఉంది.

Article Published On: Tuesday, December 6, 2011, 15:56 [IST]

English summary

Diesel Cars continue to grab attention from Indian car buyers despite the fluctuating price of petrol. Recent trade reports say sales of diesel cars have increased by 22 per cent while petrol car sales fell by 14 per cent.