వచ్చే కేంద్ర బడ్జెట్‌లో డీజిల్ కార్ల ధరలు పెరుగుతాయా?

అయితే, వచ్చే బడ్జెట్‌లో మాత్రం తప్పనిసరిగా డీజిల్ కార్ల ధరలు పెరిగే అవకాశాలు స్పష్టంగా కనిపిస్తున్నాయి. ప్రస్తుతం అమలులో ఉన్న బడ్జెట్ 2011లో భారత ప్రభుత్వం డీజిల్ కార్ల జోలికి రాలేదు. ఇప్పుడు డీజిల్ ధరలు ప్రభుత్వ అధీనంలో ఉన్నాయి. డీజిల్ ఇంధనాన్ని సబ్సిడే ధరలకే విక్రయిస్తుండటం మూలాన చమురు కంపెనీలు భారీ నష్టాలను చవిచూస్తున్నాయి.

దీనికి తోడు ప్రస్తుతం దేశీయ మార్కెట్లో డీజిల్‌తో నడిచే కార్లకు డిమాండ్ అధికం అవుతుండటంతో డీజిల్ వినియోగం కూడా విపరీతంగా పెరుగుతుంది. ఈ పరిస్థితుల నేపథ్యంలో డీజిల్ ధరలపై నియంత్రణను తొలగించడానికి బదులు డీజిల్ కార్లపై పన్నులను పెంచితే వీటిని వినియోగానికి అడ్డుకట్ట వేసినట్లు అవుతుందని ప్రభుత్వం భావిస్తున్నట్లుంది.

కాబట్టి ఎందుకైనా మంచిది కేంద్ర ప్రభుత్వం బడ్జెట్ 2012ను ప్రవేశపెట్టక ముందే ఓ డీజిల్ కారును కొనేసుకోవడం మంచిదేమో.. మీరేమంటారు..?