సెప్టెంబర్‌లో తగ్గిన కార్ల జోరు.. ఆగని బైక్‌ల పరుగు..

Published: Monday, October 10, 2011, 16:16 [IST]

గడచిన నెల సైతం కార్ల కంపెనీలకు పెద్దగా కలిసి రాలేదు. పండుగ సీజన్ నేపథ్యంలో సైతం అమ్మకాల జోరు తగ్గుతుండటం గమనార్హం. సెప్టెంబర్ 2011 నెలలో దేశీయ కార్ల అమ్మకాలు 1.8 శాతం క్షీణించాయి. అయితే, అక్టోబర్ నెలతో పోల్చుకుంటే ఇది కాస్త ఫర్వాలేదనే చెప్పవచ్చు. గత నెలలో మొత్తం 1,65,925 కార్లు అమ్ముడైనట్లు భారత ఆటోమొబైల్ తయారీదారుల సంఘం (సియామ్) గణాంకాలు వెల్లడిస్తున్నాయి. అంతకు ముందు ఏడాది ఇదే సమయానికి ఇవి 1,68,959 యూనిట్లుగా ఉన్నాయి.

కాగా.. ద్విచక్ర వాహనాల (స్కూటర్లు, మోటార్‌సైకిళ్లు కలిపి) అమ్మకాలు జోరు సెప్టెంబర్ నెలలో కూడా కొనసాగింది. సెప్టెంబర్ 2011లో దేశీయ ద్విచక్ర వాహనాల విక్రయాలు 24.27 శాతం వృద్ధిని సాధించి 12,33,283 యూనిట్లుగా నమోదయ్యాయి. గతేడాది ఇదే కాలానికి మొత్తం దేశీయ ద్విచక్ర వాహన అమ్మకాలు 9,92,383 యూనిట్లుగా ఉన్నట్లు ఎస్ఐఏఎమ్ పేర్కొంది. వీటిల్లో మొటార్‌సైకిల్ అమ్మకాలు గతేడాదితో పోలిస్తే 19.92 శాతం వృద్ధిని సాధించి 7,78,351 యూనిట్ల నుండి 9,33,465 యూనిట్లకు పెరిగాయి.

Article Published On: Monday, October 10, 2011, 16:16 [IST]

English summary

According to figures released by the Society of Indian Automobile Manufacturers (SIAM), the omestic passenger car sales declined by 1.8 per cent to 1,65,925 units in September, 2011, from 1,68,959 units in the same month last year. Total two-wheeler sales grew by 24.27 per cent to 12,33,283 units last month from 9,92,383 units in September, 2010, as per the data.

More from DriveSpark