ఏప్రిల్‌ నెల మొత్తం వాహన విక్రయాలలో 22.80 శాతం వృద్ధి

Published: Monday, May 9, 2011, 12:10 [IST]

అందరూ ఊహించినట్లుగానే వివిధ ప్రతికూల పరిస్థితులు, మార్కెట్ ఒడిదుడుకుల నేపథ్యంలో ఏప్రిల్ నెల దేశీయ విక్రయాలు జోరు తగ్గాయి. జపాన్ సునామీ కారణంగా ఏర్పడ్డ విడిభాగాల కొరత, ముడిసరుకుల ధరల కారణంగా పెరిగిన ఉత్పత్తుల ధరలు ఆటోమొబైల్ రంగానికి బ్రేకులు పడేలా చేశాయి. భారత ఆటోమొబైల్ తయారీదారుల సంఘం (ఎస్ఐఏఎమ్) విడుదల చేసిన గణాంకాల ప్రకారం.. ఏప్రిల్ నెలలో మొత్తం దేశీయ కార్ల విక్రయాలు 13.18 శాతం వృద్ధి చెంది 1,62,825 యూనిట్లు అమ్ముడయ్యాయి. గతేడాది ఇదే సమయంలో ఇవి 1,43,862 యూనిట్లుగా ఉన్నాయి.

ఇకపోతే మోటార్‌సైకిళ్ల (బైకులు) విక్రయాలు 23.39 శాతం పెరిగి 8,09,565 యూనిట్లు అమ్ముడు కాగా... అంతకు ముందు సంవత్సరం ఇదే సమయంలో ఇవి 6,56,096 యూనిట్లుగా ఉన్నాయి. అలాగే మొత్తం ద్విచక్ర-వాహనాలను (మోటార్‌సైకిళ్లు మరియు స్కూటర్లు కలిపి) పరిశీలిస్తే.. ఏప్రిల్ 2011లో ఇవి 26.44 శాతం వృద్ధితో 10,43,970 యూనిట్లుగా ఉన్నాయి. ఏప్రిల్ 2010లో ఇవి 8,25,632 యూనిట్లుగా ఉన్నాయి. వాణిజ్య వాహన విక్రయాలు 8.22 శాతం వృద్ధితో 53,202 యూనిట్లు నమోదు కాగా, గతేడాది ఇదే సమయంలో ఇవి 49,162 యూనిట్లగా ఉన్నాయి. అన్ని విభాగాల వాహన విక్రయాలను కలిపి గమనించినట్లయితే ఏప్రిల్ 2011లో ఇవి 22.80శాతం మాత్రమే వృద్ధి చెంది 13,38,564 యూనిట్లుగా నమోదయ్యాయి. అంతకుముందు ఇదే సమయంలో మొత్తం విక్రయాలు 10,90,041 యూనిట్లుగా ఉన్నాయి.

Article Published On: Monday, May 9, 2011, 12:10 [IST]

English summary

Total sales of vehicles across categories registered a growth of 22.80% to 13,38,564 units in April as against 10,90,041 units in the same month last year, According to the figures released by the Society of Indian Automobile Manufacturers (SIAM) today. Domestic passenger car sales jumped by 13.18% to 1,62,825 units in April from 1,43,862 units in the same month last year.

More from DriveSpark