జై కిసాన్ సిరీస్‌లో కొత్త ట్రాక్టర్లను ప్రవేశపెట్టిన ఎస్కార్ట్స్

Published: Friday, February 25, 2011, 17:14 [IST]

ట్రాక్టర్ ఉత్పత్తుల రంగంలో అగ్రగామిగా ఉన్న భారతీయ కంపెనీ ఎస్కార్ట్స్ లిమిటెడ్ 'జై కిసాన్' సిరీస్‌లో కొత్త ట్రాక్టర్లను విడుదల చేస్తున్నట్లు ప్రకటించింది. కొత్త శ్రేణిలో విడుదల చేసిన ఈ ట్రాక్టర్లు ఐదు విభాగాల్లో లభిస్తాయని, వివిధ రకాల వ్యవసాయం, భూ అభివృద్ధి పనుల కోసం ప్రత్యేకంగా వీటిని రూపొందించినట్లు కంపెనీ పేర్కొంది.

ఈ సందర్భంగా ఎస్కార్ట్స్ అగ్రి మెషినరీ గ్రూప్ ఎగ్జిక్యూటివ్ డైరక్టర్, సిఈఓ రోహ్‌తాష్‌ మాల్ మాట్లాడుతూ గత ఆరు దశాబ్ధాలుగా ఎస్కార్ట్స్ సంస్ధ భారతీయ రైతుల మన్ననలు పొందిందని, రైతులకు మరింత మేలైన సౌకర్యాలను అందించేందుకు తాము ఎల్లప్పుడూ ముందుంటామని తెలిపారు.

వ్యవసాయం రంగంలో మరింత అధిక దిగుబడిని, అధిక లాభాలను ఆర్జించాలంటే ఆధునిక పరికారల అవసరం ఎంతైనా ఉందని, తాము అందిస్తున్న ట్రాక్టర్లు ఇటు వ్యవసాయ, అటు వాణిజ్య రంగాలకు అనువుగా ఉంటాయని మాల్ తెలిపారు. కంపెనీ మొత్తం విక్రయాలలో ఒక్క పంజాబ్‌, హర్యానాలలోనే 20 శాతం విక్రయాలు జరుగుతాయని ఆయన పేర్కొన్నారు.

Article Published On: Friday, February 25, 2011, 17:14 [IST]

English summary

India's largest Tractor maker Escorts launches a new range of tractors under the series of ‘Jai Kisan’ for Punjab and Haryana. Company said the new range of tractors will come in five categories, which are specially developed for various farm applications and as well as land development activities.

More from DriveSpark