కేవలం మూడు రోజుల్లో 1,000 ఎతియోస్ లివా కార్ల బుకింగ్స్

Published: Friday, July 1, 2011, 10:52 [IST]

టొయోటా ఇటీవలే విడుదల చేసిన తమ తొలి కాంపాక్ట్ కారు ఎతియోస్ లివాకు దేశీయ మార్కెట్ నుంచి అనూహ్య స్పందన లభిస్తోంది. ఈ కారు విడుదలైన మూడు రోజుల్లోనే 1,000 ఎతియోస్ కార్లు బుకింగ్ అయ్యాయి. టొయోటా అందిస్తున్న ఎతియోస్ బ్రాండ్‌కు మార్కెట్లో మంచి ఆదరణం ఉండటం, ప్రస్తుతం వినియోగదారులు కాంపాక్ట్ కార్లపై మక్కువ చూపుతుండటం, పైగా ఇది కంపెనీ తొలి చిన్న కారు కావడంతో లివాను సొంతం చేసుకునేందుకు కార్ లవర్స్ పోటీపడుతున్నారు.

ఎతియోస్ బ్రాండ్‌కు ఉన్న డిమాండును కంపెనీ ముందుగానే అంచనావేసి, ఈ కారు వెయింటింగ్ పీరియడ్‌ను తగ్గించేందుకు గత మార్చి నెలలోనే విడుదల చేయాల్సిన లివాను వాయిదా వేస్తూ వచ్చింది. టొయోటా ఎతియోస్‌ లివా కారు ధర రూ. 3.99 నుంచి రూ. 5.99 లక్షల (ఎక్స్‌-షోరూమ్‌ ఢిల్లీ)గా నిర్ణయించినట్లు కంపెనీ పేర్కొంది. మారుతి సుజుకి స్విఫ్ట్‌, రిట్జ్‌, హ్యుందాయ్‌ ఐ10, ఐ20, ఫోర్డ్‌ ఫిగో, చెవర్లే బీట్‌ వంటి కాంపాక్ట్ కార్లకు లివా గట్టి పోటీ ఇవ్వగలదని కంపెనీ భావిస్తోంది.

Article Published On: Friday, July 1, 2011, 10:52 [IST]

English summary

Toyota's recently launched hatchback 'Etios Liva' bookings surprisingly clocked 1,000 in just 3 days after its entry into the Indian market. Toyota has only launched the petrol variants of the Etios Liva priced between Rs.3.99 lakh and 5.99 lakh (ex-showroom Delhi). The Diesel variants of the Etios Liva will be launched later.

More from DriveSpark