త్వరలో డ్రైవింగ్ స్కూల్‌ను ప్రారంభించనున్న ఫెరారీ

ఇటీవలే మన దేశంలోనే మొట్టమొదటి సారిగా జరిగిన ఫార్ములా వన్ రేస్ ఇండియన్ గ్రాండ్ ప్రికు అశేష ప్రజాదరణ లభించింది. ఫార్ములా వన్ రేస్ పట్ల భారతీయుల క్రేజ్‌ను వివిధ ఫారిన్ కార్ కంపెనీలు భారతదేశానికి క్యూ కడుతుంటే.. ఇప్పటికే భారత్‌లో ఉన్న కంపెనీలు తమ కార్లకు సంబంధించి డ్రైవింగ్ స్కూళ్లను ప్రారంభిస్తున్నాయి.

ఈ నేపథ్యంలో భారత్‌లో కార్యకలాపాలు నిర్వహిస్తున్న ఫెరారీ భారత్‌లో ఓ డ్రైవింగ్ స్కూల్‌ను ప్రారంభించాలని యోచిస్తోంది. మన దేశంలో కూడా ఫార్ములా వన్ రేస్ ట్రాక్ అందుబాటులోకి రావడంతో నోయిడాకు సమీపంలో ఓ సూపర్ కార్ రేస్ డ్రైవింగ్ స్కూల్‌ను ప్రారంభించాలని, అంతేకాకుండా ఈ సర్క్యూట్‌లో స్వతహాగా రేసింగ్ ఈవెంట్‌ను కూడా ప్రారంభించాలని నిర్ణయించింది.

ఫెరారీ ఇటీవల దేశీయ విపణిలో ప్రవేశపెట్టిన తొలి ఫోర్-వీల్ డ్రైవ్ కారు ఫెరారీ ఎఫ్ఎఫ్ విడుదల సందర్భంగా ఫెరారీ ఛీఫ్ అమెడో ఫెలిసా తెలిపారు. ఫెరారీ ఇప్పటికే అమెరికా, యూరప్ వంటి దేశాలలో కమ కస్టమర్లకు ఇలాంటి డ్రైవింగ్ స్కూల్ సదుపాయాన్ని అందిస్తోంది. కాగా.. జర్మన్ లగ్జరీ కార్ల తయారీ సంస్థ మెర్సిడెస్ బెంజ్ ఇప్పటికే ఓ డ్రైవింగ్ స్కూల్‌ను ప్రారభించిన సంగతి కూడా తెలిసిందే.