పెట్రోల్ కార్ల ధరకే డీజిల్ కార్లను అందిస్తున్న ఫియట్

Published: Tuesday, July 5, 2011, 12:12 [IST]

డీజిల్ కార్ల విక్రయాలను పెంచుకునేందుకు ఇటలీకు చెందిన ప్రముఖ ఆటోమొబైల్ దిగ్గజం ఫియట్ డీజిల్ కార్లపై భారీ డిస్కౌంట్ ఆఫర్లను ప్రకటించింది. పెట్రోల్ ధరలు పెరుగుతున్న నేపథ్యంలో పెట్రోల్‌తో నడిచే వాహనాల ధరకే డీజిల్ వాహనాలను అందిస్తామని కంపెనీ తెలిపింది. పెట్రోల్ వేరియంట్లలో లభ్యమయ్యే పుంటో, లీనా కార్ల ధరకే ఈ రెండు డీజిల్ వేరియంట్లను కంపెనీ ఆఫర్ చేస్తోంది. "పెరుగుతున్న పెట్రోల్ ధరలతో డీజిల్ కార్లు మరింత ఆకర్షణీయ స్థానానికి చేరుకున్నాయి. ప్రపంచ వ్యాప్తంగా, అలాగే భారత్‌లో కూడా డీజిల్ విప్లవంలో ఫియట్ ప్రముఖంగా ఉంద"ని ఫియట్ ఇండియా ఛీఫ్ ఎగ్జిక్యూటివ్ మరియు అధ్యక్షుడు రాజీవ్ కపూర్ తెలిపారు.

తక్కువ రన్నింగ్ కాస్ట్ కారణంగా కొనుగోలుదారులు డీజిల్ కార్లను ఎంచుకుంటున్నారని, అయితే పెట్రోల్ వేరియంట్ కార్ల ధరలతో పోలిస్తే డీజిల్ కార్లు అధికంగా ఉండటం వారిని బాధిస్తోందని కంపెనీ తెలిపింది. ఈ మేరకు ఫియట్ డీజిల్ లీనా, డీజిల్ పుంటో కార్లను పెట్రోల్ వేరియంట్ ధరకే, దానికి సమానమైన క్యాష్ బ్యాక్ ఆఫర్‌లను అందిస్తున్నామని కంపెనీ వివరించింది. అంతేకాకుండా.. డీజిల్ కార్లను కొనుగోలుచేసే వారిలో అదృష్టవంతులు ఒక్క ఏడాది పాటు ఇంధన వోచర్లను కూడా పొందవచ్చు. ఇంకా లీనా లేదా పుంటో కార్లకు అప్‌గ్రేడ్ కావడానికి తమ పాత కార్లను ఎక్సేంజ్ చేసుకునే వారికి అదనంగా రూ. 20,000 వరకూ ఎక్సేంజ్ బోనస్ ఇవ్వనున్నట్లు కంపెనీ తెలిపింది.

Article Published On: Tuesday, July 5, 2011, 12:12 [IST]

English summary

Italian car maker Fiat India announced special offers on the diesel-powered Punto and Linea in order to boost their diesel car sales. "Fiat will provide car buyers with a chance to own a Fiat diesel Linea or Punto at the price of the petrol variant or equivalent cash back," the company said.

More from DriveSpark