Click it and Unblock the Notifications
ముప్పై సెకన్లలో విమానంగా మారిపోయే 'ఫ్లయింగ్ కార్'..!!
రోడ్డుపైనే కాకుండా గాల్లో కూడా ప్రయాణించగలగడం ఈ కారు విశిష్టత. 'ట్రాన్సిషన్ రోడబుల్ లైట్ స్పోర్ట్ ఎయిర్క్రాఫ్ట్'గా పిలిచే ఎగిరే కారు కేవలం 30 సెకన్ల వ్యవధిలోనే తన రూపాన్ని మార్చుకోగలదు. అప్పటివరకూ రోడ్డుపై రయ్.. మంటూ దూసుకెళ్లే కారు.. ఒక్కసారిగా రెక్కలు విప్పి పక్షిలాగా గాల్లోకి రివ్వున ఎగిరిపోగలదు. రోడ్డుపై గంటకు 65 మైళ్ల వేగంతోనూ, గాల్లో 115 మైళ్ల వేగంతోనూ ప్రయాణించగలిగే సామర్థ్యం ఈ కారు ప్రత్యేకత. ఒక్కో ఎగిరే కారు ధర రూ. 91 లక్షలు, రూ. 1.21 కోట్ల మధ్య ఉండవచ్చని అంచనా.
ప్రతి ఏడాది కనీసం 200 ఎగిరే కార్లను విక్రయించగలమని టెర్రాఫుజియా అధికారి రిచర్డ్ గ్రెష్ భావిస్తున్నారు. ఈ తరహా వాహనం ఇదే మొట్టమొదటిదని, దీనిని ఒక్కసారి ఫుల్ ట్యాంక్ చేయిస్తే 400 నుంచి 450 మైళ్ల దూరం ప్రయాణించ వచ్చునని ఆయన వివరించారు. ఈ కారుకే ఇప్పటి వరకూ 100 ఆర్డర్లు వచ్చాయని, అయితే రోడ్డు, విమానయాన పరిమితులకు సంబంధించి చిన్న చిన్న మార్పులు ఉన్నాయని, ఏదేమైనప్పటికీ ఈ ఏడాది చివరినాటికి ఈ ఎగిరే కార్లను విడుదల చేయాలని భావిస్తున్నామని కంపెనీ తెలిపింది. ఇప్పటికే ఈ కారును 28 సార్లకు పైగా విజయవంతంగా ప్రయోగించామని కంపెనీ పేర్కొంది.
Continue with Google