ఫోర్స్ మోటార్స్ నికర లాభాల్లో 3 శాతం క్షీణత

Published: Wednesday, November 23, 2011, 17:51 [IST]

ప్రముఖ యుటిలిటీ, వాణిజ్య వాహనాల తయారీ సంస్థ ఫోర్స్ మోటార్స్ గత ఆర్థిక సంవత్సరం కంపెనీ లాభాల్లో క్షీణతను చవిచూసింది. మార్చి 31 ,2011తో ముగిసిన 2010-11 ఆర్థిక సంవత్సరానికి గానూ కంపెనీ నికర లాభాలు 2.98 శాతం క్షీణించి రూ. 58.62 కోట్లకు పడిపోయాయి. అదే 2009-10 ఆర్థిక సంవత్సరంలో నికర లాభాలను పరిశీలిస్తే కంపెనీ నికర లాభాలు రూ. 60.42 కోట్లుగా ఉన్నట్లు కంపెనీ ఓ ప్రకటనలో పేర్కొంది.

అయితే గత ఆర్థిక సంవత్సరంలో కంపెనీ నికర అమ్మకాలు మాత్రం 54.93 శాతం పెరిగి రూ. 1,480.45 కోట్లకు పెరిగాయి. అంతకు ముందు ఆర్థిక సంవత్సరంలో నికర అమ్మకాలు రూ. 955.55 కోట్లుగా ఉన్నాయి. కాగా.. కంపెనీ బోర్డు రూ. 10 ముఖ విలువ కలిగిన ప్రతి షేరుపై రూ.5 డివిడెండ్‌ ప్రకటించింది. స్మాల్ కమర్షియల్ వెహికల్స్(ఎస్‌సీవీ), మల్టీ యుటిలిటి వెహికల్స్ (ఎమ్‌యూవీ), లైట్ కమర్షియల్ వెహికల్స్ (ఎల్‌సీవీ), వ్యవసాయ ట్రాక్టర్లు, హెవీ కమర్షియల్ వెహికల్స్ (హెచ్‌సీవీ) సెగ్మెంట్లలో వాహనాలను అందిస్తోంది.

Article Published On: Sunday, May 29, 2011, 11:19 [IST]

English summary

Leading Utility, Commercial vehicle maker Force Motors reported a 2.98% decline in its net profit for the year ended March 31, 2011, at Rs 58.62 crore. The company had posted a net profit of Rs 60.42 crore in the previous fiscal, Force Motors said in a filing to the Bombay Stock Exchange.

More from DriveSpark