ఫిగోకు మరిన్ని అదనపు ఫీచర్లు జోడించిన ఫోర్డ్

తక్కువ మెయింటినెన్స్, మంచి ఇంజన్, గుడ్ లుకింగ్‌తో ఫోర్డ్ ఫిగో అతి తక్కువ సమయంలోనే అత్యంత ప్రజాదరణ పొందిన చిన్న కారుగా మార్కెట్లో సాగిపోతుంది. అయితే, ఈ పోటీని తట్టుకుని మార్కెట్లో నిలబడేందుకు ఫిగో హ్యాచ్‌బ్యాక్‌కు ఫోర్డ్ మూడు అదనపు ఫీచర్లను జోడించింది. ఫోర్డ్ ఫిగో హ్యాచ్‌బ్యాక్‌లో కంపెనీ అదనంగా అందిస్తున్న ఫీచర్ల వివరాలు కింది విధంగా ఉన్నాయి.

* జెడ్ఎక్స్ఐ, టైటానియం వేరియంట్లలో టిల్ట్ స్టీరింగ్
* జెడ్ఎక్స్ఐ, టైటానియం వేరియంట్లలో మ్యూజిక్ సిస్టమ్ కోసం యూఎస్‌బి పోర్ట్
* టైటానియం వేరియంట్లో అల్లాయ్ వీల్స్

బహుశా ఫోర్డ్ ఫిగోలో అప్‌గ్రేడెడ్ లేదా రిఫ్రెష్డ్ వేరియంట్‌ను 2014 వరకూ ఫోర్డ్ ఇండియా విడుదల చేసే అవకాశాలు కనిపించడం లేదు. ఈ నేపథ్యంలో ఫోర్డ్ ఫిగో మరింత ఆకర్షనీయంగా మార్చేందుకు ఫిగోకు కంపెనీ ఈ అదనపు ఫీచర్లను జోడించనట్లు తెలుస్తోంది. పెట్రోల్, డీజిల్ వేరియంట్ ఫిగో మోడళ్లో ఈ ఫీచర్లు అందుబాటులో ఉంటాయని ఫోర్డ్ పేర్కొంది.