ఫిగో విక్రయాలు జూమ్..: కేరళలో 'డిస్కవర్ స్మార్ట్ డ్రైవ్'

Published: Tuesday, January 25, 2011, 12:07 [IST]

గతేడాదిలో "ఫిగో" విక్రయాల కోసం ఫోర్డ్ ఇండియా పడిన కష్టాలకు అద్భుత ఫలితాలే వచ్చాయి. 2010లో మూడు రెట్లు అధికంగా విక్రయాలు నమోదు కావడంతో ఫోర్డ్ ఇండియా సంబరాలు జరుపుకుంటుంది. కేరళ రాష్ట్రంలో అత్యధికంగా ఫిగో విడుదలైన 100 రోజుల్లోనే 1,500 కార్లు అమ్ముడుకావడంతో రాష్ట్రవ్యాప్తంగా ఫోర్డ్ ఓ స్పెషల్ డ్రైవ్‌ను ప్రారంభించనుంది. నాలుగు రోజుల పాటు సాగే "డిస్కవర్ స్మార్ట్ డ్రైవ్" ఈ ప్రచార కార్యక్రమం.. కొచ్చి, కొట్టాయం, త్రిశూర్ జిల్లాల మీదుగా మొత్తం 600 కిలోమీటర్లు పయనించి తిరువనంతపురం వద్ద ముగియనుంది.

కాగా.. భారత్‌లో వేగంగా విక్రయం అవుతున్న రెండో కారుగా కూడా "ఫిగో" పేరు తెచ్చుకుంది. 2010 సంవత్సరంలో 83,887 ఫోర్డ్ ఫిగో కార్లు అమ్ముడయ్యాయి. 2009లో కేవలం 29,488 కార్లు మాత్రమే విక్రయించబడ్డాయి. అంటే 2009తో పోలిస్తే 2010లో విక్రయాలు మూడింతలకు పెరిగాయి. దీంతో విక్రయాలను మరింతగా పెంచుకునేందుకు కంపెనీ దృష్టి సారించింది. వినియోగదారులకు మెరుగైన సేవలు అందించడానికి తమ డీలర్‌షిప్ నెట్‌వర్క్‌ను మరింత విస్తృతం చేయనున్నట్లు కంపెనీ పేర్కొంది.

Article Published On: Tuesday, January 25, 2011, 12:07 [IST]

English summary

The struggle over selling its Figo in last year made Ford India to devise new strategies and the steps paid rich dividends with triple sale volume. To commemorate this feat, Ford has initiated a regional Discover Smart Drive campaign all over Kerala state. The drive has already commenced on Friday and will be on the move for four days covering 600kms comprising the districts of Kochi, Kottayam and Thrissur to conclude in Thiruvananthapuram.

More from DriveSpark