ఐకాన్ విక్రయాలను నిలిపివేయనున్న ఫోర్డ్ ఇండియా..!

Published: Monday, February 14, 2011, 17:16 [IST]

భారత రోడ్లపై బాగా సపరిచితమైన 'ఐకాన్' కారు ఇక కనుమరుగు కానుంది. గడచిన తొమ్మిదేళ్ల క్రితం ఫోర్డ్ ఇండియా సంస్థ ప్రవేశపెట్టిన సెడాన్ కారు "ఫోర్డ్ ఐకాన్" ఇకపై చరిత్రలో కలిసిపోనుంది. ఈ మోడల్ ఉత్పత్తిని నిలిపివేస్తున్నట్లు కంపెనీ ప్రకటించింది. అయితే 2015 నాటికి ప్రపంచ ప్లాట్‌ఫామ్ ఆధారంగా భారత మార్కెట్లో కొత్తగా మరో ఎనిమిది మోడళ్లను విడుదల చేయాలని కంపెనీ సన్నాహాలు చేస్తుంది. ఇందులో భాగంగానే ఈ ఏడాది చివరినాటికి ఫోర్డ్ నుంచి మరో కొత్త వేరియంట్‌ను మార్కెట్లోకి ప్రవేశించనుంది.

ఫోర్డ్ ఇండియా అధ్యక్షుడు ఓ ఆంగ్ల పత్రికకు ఇచ్చిన ఇంటర్వ్యూలో ఈ విషయాన్ని వెల్లడించారు. కొత్త ఉత్పత్తులను ప్రవేశపెట్టాలంటే ఐకాన్ మోడల్‌కు స్వస్తిపలకక తప్పదని కంపెనీ అధ్యక్షుడు మైఖేల్ బోన్‌హామ్ పేర్కొన్నారు. ఫోర్డ్ ఐకాన్ కారు 1.3 లీటర్ పెట్రోల్, 1.4 లీటర్ డీజిల్ వేరియంట్లలో రూ. 5 లక్షలు, రూ. 5.6 లక్షల ధరల మధ్య లభించేది. ఈ ఏడాది ఫిబ్రవరి 1 నుంచే ఐకాన్ విక్రయాలను ఫోర్డ్ నిలిపివేసింది. ఇప్పటి వరకూ (జనవరి 2011 చివరి వరకూ) కంపెనీ 1,34,000 ఐకాన్‌లను విక్రయించింది.

Article Published On: Monday, February 14, 2011, 17:16 [IST]

English summary

Ford India confirmed that it has stopped production of this 9-year old car 'Ford Ikon' to make way for newer products. with this company move.. The most well-known Ford vehicle on Indian roads, the Ikon, is being driven into history. Its also announced that plans to bring another eight new products into the Indian car market.

More from DriveSpark