హైబ్రిడ్ ఎస్‌యూవీ, పికప్‌ల కోసం ఫోర్డ్, టొయోటాల దోస్తీ..!

Published: Tuesday, August 23, 2011, 12:44 [IST]

హైబ్రిడ్ టెక్నాలజీలో అగ్రగాములుగా ఉన్న రెండు ఆటోమొబైల్ దిగ్గజాలు చేతులు కలిపితే.. ఇక జాయింట్ వెంచర్ నుంచి వచ్చే ఉత్పత్తులు ఎంతగా సూపర్ హిట్ అవుతాయో వేరే చెప్పనక్కర్లేదు. అమెరికాకు చెందిన ఫోర్డ్ మరియు జపాన్‌కు చెందిన టొయోటా కంపెనీలు హైబ్రిడ్ టెక్నాలజీతో కూడిన చిన్న ట్రక్కులు మరియు స్పోర్ట్ యుటిలిటీ వాహనా (ఎస్‌యూవీ)లను తయారు చేసేందుకు చేతులు కలిపనున్నట్లు ప్రకటించాయి. సాధారణంగా హైబ్రిడ్ టెక్నాలజీ ద్వారా అధిక మైలేజ్‌ను పొందడమే కాకుండా తక్కువ కర్బన వ్యర్థాలను వెలవరించడం జరుగుతుంది.

హైబ్రిడ్ గ్యాసోలైన్-ఎలక్ట్రిక్ కార్ సెక్టార్‌లో లీడర్లుగా ఉన్న ఈ రెండు కంపెనీలు డ్రైవర్ అంచనాలకు ఏ మాత్రం తీసిపోకుండా అత్యంత శక్తివంతమైన, రియర్-వీల్ డ్రైవ్ కలిగిన వాహనాల తయారీలో ఏ మాత్రం రాజీ పడకుండా ఎస్‌యూవీలు, పికప్ ట్రక్కులలో ఈ టెక్నాలజీని తీసుకురావడానికి లక్ష్యంగా పెట్టుకున్నట్లు తెలిపాయి. ఈ విభాగంలో ఈ రెండు కంపెనీలు పోటీపడి ఉత్పత్తులను తయారు చేయడం కన్నా పరస్పర సహకారంతో తయారు చేయడం ద్వారా అవి మార్కెట్లోకి త్వరగా ప్రవేశించడానికి ఉపకరిస్తుందని ఇరు కంపెనీలు పేర్కొన్నాయి.

Article Published On: Tuesday, August 23, 2011, 12:44 [IST]

English summary

US carmaker Ford and Japaneese carmaker Toyota join hand to develop a new hybrid system for light trucks and sport utility vehicles (SUVs). "Ford and Toyota believe that their collaboration will allow them to bring these hybrid technologies to customers sooner and more affordable than either company could have accomplished alone," they said in a statement.

More from DriveSpark